2017 senesi avgust 29 künü Ukraina Prezidentiniñ Qırım MC Daimiy Temsilcisi Boris Babin Birinci muavini İzet Gdanov ile beraberlikte Herson şeerindeki ”Dokument” devlet müessisesini ziyaret ettiler.
Ukraina Prezidentiniñ Qırım MC Temsilciligine Hersonğa çetel pasportnı resmiyleştirmek içün vaqtınca işğal olunğan Qırım yarımadasından kelgen Ukraina vatandaşı muracaat etti.
”Dokument” devlet müessisesine ziyaret devamında Qırım sakinine doğuv aqqında şeadetnamesi sürgünlikte doğğanı içün Özbekistanda berilgeni sebebinden pasport resmiyleştirüvinde sözlü şekilde red etilgeni aqqında belli oldı. Vesiqa qabulında esassız red etüv ile bağlı buña benzer başqa adiseler de al etildi.
Öz nevbette, Boris Babin ve İzet Gdanov Herson şeerinde ve Herson vilâyetinde mütenasip memuriy hızmetlerniñ berilüvi ile bağlı meseleler deral çezilip, bütün selâhiyetli akimiyet organlarınıñ mahsus nezaretleri altında bulunmağa kerek olğanını qayd ettiler.
Yaqın zamanda uquq qoruyıcı muessiseleriniñ iştiragi ile Devlet Migratsiya Hızmetiniñ Herson vilâyetindeki idaresiniñ faaliyeti boyunca muşavere keçirilecek.