Къырым Мухтар Джумхуриетинде Украина Президенти Векялетханесининъ Февкъуляде вазиетлери боюнджа ишбирлик даиресинде незарет нетиджелерине коре Украинанынъ къыта тарафында 22674 Къырым сакинлери къайд олунды, олардан 53 шу сененинъ октябрь айында ички кочьме шахысы статусны алды.
Украинанынъ къыта тарафында Къырым ярымада сыкинлерининъ зиядедже компакт ерлешювининъ джогърафиясы: Львов (3546 ИКШ), Одесса (2043 ИКШ), Николаев(1450 ИКШ), Киев (1217 ИКШ), Херсон (1178 ИКШ), Харьков (898 ИКШ) виляетлери ве Киев шеэри (4665 ИКШ).
Шу сененинъ октябрь айында вакътынджа ишгъаль этильген Къырым Мухтар Джумхуриети ве Акъяр шеэри территориясындан Украинанынъ къыта тарафына 43 къоранта кочьти ве къайд олунды. Яни, 27 ве 15 ишкъабилиетли эркен ве къадынлар, 6 бала ве 5 эсли-башлы я сакъат инсанлар. Николаев виляетинде 32 Кърым сакини эсапкъа къайд этильди, Валынь виляетинде 11, Херсон 5, Чернигов 4, Львов 3 ве Тернопль 1. Винница виляетинде 3 ватандаш ички кочме шахыслар джедвелинден чыкъты.
Украинанынъ девлет виляетлер мемуриетлерининъ малюматларына эсасланаракъ, 2016 сенесининъ октябрь айында Кърым Мухтар Джумхуриети ве Акъяр шеэринде къайд олунгъан сакинлеринден 1552 мураджаат теслим олунды, олардан: 1403 миграцион суаллери, 34 тасиль алув, 13 ичтимаий ярдым, 5 ишке ерлештирюв. 97 сагълыкъ хызметлери, мескенлернен темин этюв ве иляхре. Мураджаатларнынъ 98,6 фаизы бакъылды ве мусбет къарарлары чыкъарылды, къалгъанлары исе незарет ве аль этюв джерьянында булунмакъталар.
Херсон виляетиндеки Украина Девлет миграцион хызметининъ ерли болюклеринен 1299 мураджаат, яни шу сене октябрь айнынъ ичинде Къырым сакинлери тарафындан теслим олунгъан миграцион суаллерининъ умумий микъдарындан 92,6 фаизы багъылды:
– 860 сынъырдан тыш чыкъув Украина гражданлыкъ паспортынынъ ресмийлештирюви я да авуштырюви;
– 328 шахыснынъ 25 я да 45 яшыны толдурув мунасебети иле Украина гражданлыкъ паспортына фотосуретнинъ япыштырувы;
– 97 Украина гражданлыкъ паспортынынъ авуштырувы я да ресмийлештирюви;
– 14 ID-варакъа шекилинде Украина гражданлыкъ паспортынынъ ресмийлештирюви.
Къырым Мухтар Джумхуриетинде Украина Президентининъ Векялетханесинен ватандашларнынъ мураджааты иле 3859 суаль бакъылды ве мусбет къарар чыкъарылды, шу сайысындан 2065 2016 сенесинде, олардан 204 октябрь айы ичинде.