Noyabr 28 künü yaşlıq tarafından mesken qurucılığına qoltutqan Devlet fondunıñ (Derjmolodjıtlo) territorial merkezleri ‘‘Kelişken mesken’’ programmasında iştirak etmege istegen adamlardan vesiqalarnı qabul etmege başladılar.

2017 senesi mart 16 künü Ukraina Yuqarı Şurası tarafından qabul etilgen ‘‘Dünyadaki maliyeviy buhrannıñ qurucılıq saasına ve mesken qurucılığına tesir etmesine qarşılıq kösterüv aqqında’’ Qanunınıñ 4 maddesine kirsetilgen ve devlet mesken programmalarnı yerine ketirüvnen bağlı olğan deñişmeler boyunca, imtiyazlı şekilde ev satın aluv mehanizmı çalışmağa başladı.

Vesiqa, antiterroristik ameliyat iştirakçilerniñ aileleri ve devlet içinde köçken adamlar içün kelişken mesken programmasında iştirak etüv vastası ile qoşma imkânlarnı belgiley. Buña köre, olar devletnen bölüşip yarım fiyatqa mesken, ya da mesken meselesini çezmek içün yılda 7% imtiyazlı ödünç ala bileler. Programmanıñ şartlarına köre, devlet içinde köçken insanlar içün devlet yardımınıñ miqdarı 50% teşkil ete.

Leyhanıñ şartları ve kerek olğan vesiğalarnıñ cedveli ile tafsilâtlıca ‘‘Kelişken mesken’’ programmasınıñ https://www.molod-kredit.gov.ua/zhytlovi-prohramy/dostupne-zhytlo saifesinde tanış olmağa mümkün.

Devlet migratsiya hızmetiniñ izaatına köre, devlet içinde köçken insanlarğa yaşama yeri aqqında vesiqalarnı (№13 malümat kâgıtını)  tapşırmağa kerekmey. Onıñ yerine devlet içinde köçken şahısnıñ malümat kâgıtı tapşırılacaq.