2018 senesi ekim (oktâbr) ayı 17 künü Ukraina Prezidentiniñ Qırım MC Daimiy Temsilcisi Borıs Babin Ukraina Yuqarı Şurası devlet qurucılığı, regional siyaset ve yerli öz-özüni idare etüv meseleleri boyunca Komitetiniñ oturışında Ukrainanıñ vaqtınca işğal etilgen Qırım toprağında rusiye istilâsına qarşılıq kösterüv, onıñ işğalden azat etilüvi ve Ukrainağa ğayrıdan integratsiyası ile baqlı olğan ayrı meseleler boyunca maruza ile çıqışta bulundı
Komitetniñ oturışında, onıñ azalarından ğayrı, Ukraina Esap odasınıñ, vaqtınca işğal etilgen topraqlar ve devlet içinde köçken şahıslar meseleleri boyunca Ukraina Nazirliginiñ, yerli öz-özüni idare etüv organları Bütünukrain birliginiñ ve cemaat teşkilâtlarınıñ vekilleri iştirak etti.
Borıs Babin öz çıqışında Qırımda RF işgalci akimiyeti organlarınıñ tertibi, Ukrainanıñ vaqtınca işğal etilgen Qırım toprağınıñ meseleleri boyunca Qırım MC ve Aqyar şeeri boyunca Ukraina devlet organlarınıñ vekâletleri ve faaliyetleri boyunca malümat berdi.
Borıs Babin Temsilcilikniñ kündelik faaliyetini tarif etti, Qırımğa yaqın olğan rayonlarda Memuriy hızmet merkezleriniñ açıluvı aqqında haber etti. Vaqtınca işğal etilgen Qırımğa yaqın olğan topraqlarğa uquq qorçalav organlarnıñ köçürilüvine, devlet sırına irişimi olğan şahıslar içün işğal etilgen topraqlarnı ziyaret etüvni sıñırlamaq kerekligine ayrıca diqqat etti.
Daimiy Temsilci ‘‘Vaqtınca işğal etilgen Qırım MC ve Aqyar şeerini Ukrainağa ğayrıdan integratsiyaları boyunca strategiya: problemli meseleler, olarnı çezüv yolları, usullar ve vastalar’’ mevzusında parlament diñlevleriniñ 2016 senesi berim (sentâbr) ayı 22 künü Ukraina Yuqarı Şurasınıñ qararı ile qabul etilgen Tavsiyelerni yerine ketirüv alçaq seviyede olğanını ve bu cümleden bir sıra qanun leyhaları ögrenilmegenini qayd etti. Bundan da ğayrı, Borıs Babin merkeziy ve yerli akimiyet organları arasındaki işbirlik ve Ukraina Nazirler Şurası vaqtınca işğal etilgen Qırım MC ve Aqyar şeeri boyunca 2018 senesi saban ayı 28 künü qabul etken 218-p sanlı qararına binaen içki devlet siyasetine binaen tedbirler planı boyunca areketlerini uyğunlastıruv alçaq seviyede olğanını ve bu Plannı yerine ketirüv aqqında açıq-aydın malümat olmağanını qayd etti.
Maruzanıñ neticesi olaraq, Komitet Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele tedbirler Planını yerine ketirüv boyunca Temsilcilikniñ faaliyetini diqqatqa aldı, bir sıra ayrı meseleler boyunca parlament tarafından yapılacaq mütenasip areketler muzakere etilecek.
