2018 senesi boş ay (noyabr) 14 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov, devletten ukrain siyasiy mabuslarnıñ qorantalarına berilecek maliyeviy yardımnı almaq içün kart esaplarınıñ açıluv mehanizmi boyunca Ukraina Prezidentiniñ Qırım MC Temsilciliginde muşavere keçirdi.
Toplaşuvda bulunğan Hersondaki (Privatbank ile Oçşadbank) devlet maliye müessiseleriniñ vekilleri yuqarıda qayd etilgen müessiselerde bank kartını almaq içün
– Ukraina vatandaşı pasportı;
– Şahsiyeti belgilev kodu
ile yuqarıda adları keçken banklarnıñ bölüklerine muracaat etmege kerek olğanını bildirdiler.
Bank kartı 15-20 daqqa içinde resmiyleştirilip berilecektir.
Temsilcilik öz tarafından kart esabınıñ açıluvı ile bağlı meselelerni çezmege yardım etecektir.
Tafsilâtlı malümat içün Temsilcilikniñ 0800502192 nomeralı ‘‘sıcaq ağına’’ muracaat ete bilesiñiz.