2017 senesi noyabr 20 künü Ukraina Prezidentiniñ Qırım Muhtar Cumhuriyetindeki Temsilciliginde Devlet migratsiya hızmetiniñ Herson vilâyetindeki Baş idaresiniñ reberiyeti ile keñeş keçirildi.

Keñeş devamında regionda aqiqiy elektron nevbeti çalışmağan migratsiya hızmetiniñ bütün rayon bölüklerinde elektron mini-nevbet boyunca deñev leyhası muzakere etildi.

Mütenasip mini-nevbet Ukraina vatandaşı pasportına (İD-kartına) vesiqalarnı tapşırmaq içün künde 5 yerden ve Ukraina vatandaşı tış biometrik pasportına vesiqalar tapşırmaq içün daa 5 yerden ibarettir.

Vaqtınca işğal etilgen Qırımda yaşağan Ukraina vatandaşlarınıñ şikâyetlerine köre, Herson vilâyetinde 2017 senesi noyabr ayından çalışıp başlağan bu sistemanıñ problemli yerlerinden biri, ukrain telefon nomerasına SMS beyanatını almaq kerekligidir, işğal sebebinden ise Qırımda buña imkân yoq.

Bunıñ içün elektron mini-nevbette bilgisayar ekranından qaydnıñ skrinşotını yapmağa yeterli olğanı aqqında deral qarar alındı, bu qararnıñ amelge keçirilmesi Temsilcilikniñ nezareti altında bulunacaq. Devlet migratsion hızmetiniñ Geniçesk ve Qalançaq bölüklerinde yerli hadimler olmağanı içün, anda başqa bölüklerniñ hadimlerini işke yollap, meseleni çezmege teklif etildi.