2018 senesi arman ayı (august) 21 künü Ukraina Prezidentiniñ Qırım MC Daimiy Temsilcisi Borıs Babin «Naftogaz Ukrainı» milliy aktsıoner şirketiniñ, «Çornomornaftogaz» halq öğündeki aktsıoner cemiyetiniñ vekilleri ile beraber AQŞ Devlet departamentinde energetika saasında diplomatiya Ofısiniñ muşaviri Bencamin L. Şmittniñ vaqtınca işğal etilgen Qırımnıñ sıñırına yaqın olğan rayonlarğa tanış etici ziyaretinde iştirak etti.

Körüşüv esnasında Qırımnıñ işğali ve istilâci devletniñ Azaq deñizinde artqan faalligi şaraitlerinde Ukrainanıñ energetik ceetten havfsızlığı muzakere etildi. Ziyareti çerçivesinde AQŞ Devlet departamenti Ofisiniñ muşaviri qırımlı talebelerge uzaqtan tasil aluv imkânını yaratqan Novooleksiyivka qasabasındaki mektepni ziyaret etti, Çoqraq (Strilkove) köyünde yerleşken ‘‘Azatlıq lageri’’ Halqara serbest yazlıq lagerinde lektsiya oqudı, faalciler, gönülliler ve Qırımtatar halqı Herson regional Meclisiniñ reberiyeti ile körüşti.