2018 senesi oraq ayı (iyül) 23 künü Ukraina Prezidentiniñ Qırım MC Daimiy Temsilcisi Borıs Babin Ukraina uquqiy ilimer milliy akademiyasınıñ binasında Halqara cinaiy mahkeme içün kelecekte isbatlarnıñ toplanuvına binaen idareler arasındaki işbirlikniñ tertibi boyunca muşavere keçirdi. Muşaverede Temsilcilikte uquqiy talil ve halqara alâqalar hızmetleriniñ hadimleri, Ukraina çetel işler Nazirliginiñ, Ukraina Milliy polisniñ, Ukraina Milliy polisi Qırım MC ve Aqyar boyunca Baş idaresiniñ, Ukraina Milliy Havfsızlıq Hızmetiniñ ve Ukraina Milliy Havfsızlıq Hızmeti Qırım ve Aqyar boyunca Baş idaresiniñ, Ukraina mudafaa Nazirliginiñ, Ukraina uquqiy ilimler milliy akademiyasınıñ ve başqa müessiselerniñ vekilleri iştirak etti. Muşavere devamında Ukrainanıñ arizaları boyunca Halqara cinaiy mahkemege azırlayıcı tedbirlerniñ qolaylaştırıluvınen bağlı qanun yaratıcı ve teşkiliy tedbirler muzakere etildi; Ukrainadan Halqara cinaiy mahkemege arizalar boyunca cemaat teşkilâtlarnıñ, uquq qorçalayıcılarnıñ, abulkatlarnıñ ve mahkemege muracaat etken ayrı şahıslarnıñ mevamları muzakere etildi. Akimiyetniñ vekâletli organlarnıñ añlaşmalarında idareler arasında işbirlikni aks etüv algoritmi muzakere etildi. Halqara cinaiy mahkemede Ukrainanıñ  arizaları boyunca davalarnı köz ögüne alıp, ayrı halqara teşkilâtlar ve müessiseler ile işbirlikke ayrıca diqqat etildi. Borıs Babin, Halqara cinaiy mahkemesi Prokurorı Ofisiniñ beyanatlarında Qırımnıñ vaqtınca işğali şaraitlerinde arbiy cinayetlerniñ ve insaniyetke qarşı cinayetlerniñ bir qısımı al-azırda qayd etilmegeni aqqında bildirdi. Onıñ içün vekâletli müessiseler arbiy cinayetlerni ve insaniyetke qarşı cinayetlerni semereli şekilde tedqiq etmek, isbatlarnıñ toplanuvınen Halqara cinaiy mahkemede Ukrainanıñ maddiy ve protsesual mevamı boyunca umumiy nazar noqtasını teşkil etmek kerekler, bu muim mesele ise bir sıra akimiyet organlarnıñ umumiy vazifesidir. Muşavereniñ neticesi olaraq, işbu organlar arasında işbirlikniñ algoritimni teşkil etmek kerek olğanı aqqında qarar alındı.