2017 senesi dekabr 4 künü Halqara cinaiy mahkemesiniñ (HCM) Prokuror Yazıhanesi 2017 senesi keçirgen tedqiqatı boyunca Esabatını beyan ettı. Esabatnıñ 79-120 maddelerinde söz Qırım ve Ukrainanıñ Şarqında 2014 senesi fevral 20-den başlap, Ukrainanen RF arasındaki dava esnasında olup keçken ve arbiy cinayetler hususiyetlerini taşığan adiseler aqqında yürsetile. HCM prokurorı öz Esabatında HCM Nizamnamesini bozğan aşağıdaki cinayetlerni qayd etti: «Qırım yığını» (samooborona) yapqan öldürüvler,Rusiye arbiy quvetlerinde mecburiy şekilde hızmet ettirüv, adaletli mahkeme aqqınıñ bozuluvı, RF ealisiniñ bir qısımını Qırımğa, Qırım sakinlerini ise Rusiyege köçürülüvi, işğalciler tarafından cemaat mal-mülkünü ve qısmen şahsiy mülkiyetini zapt etüv ve Qırımnı terk ettirmek maqsadınen qırımtatarlarnı qorqutuv ve Meclisniñ faaliyetini yasaq etüv.

Esabatta qayd etilgenine köre, HCM Prokuror Yazıhanesi Ukraina akimiyetinen, cemaat teşkilâtlarınen ve başqa meraqlanğan taraflarnen ‘‘Ukrainadaki vaziyet’’ tedqiqatınen bağlı bütün meseleler boyunca işbirligini devam ettirecek. Prokuror Yazıhanesi, HCM Nizamnamesine esaslanıp, HCM vekâleti boyunca eñ yaqın vaqıtta qarar çıqarmaq maqsadınen tafsilâtlı şekilde cinayetlerni talil etmege devam etecek. Ukraina HCM vekâletini belgisiz müdettke tanığanı içün, Prokuror Yazıhanesi Qırımda yüz bergen cinayetlerge fizikiy şahıslarnıñ şikâyetlerini Halqara Cinaiy Mahkemesiniñ vekâleti çerçivesinde cedvelge almağa devam ete.

2017 s. Esabatnıñ ingiliz tilindeki tolu metini:

https://www.icc-cpi.int/…/2017-PE-r…/2017-otp-rep-PE_ENG.pdf

2017 s. Esbatnıñ Ukrainadaki vaqialarğa bağışlanğan qısmı rus tilinde:

https://www.icc-cpi.int/…/2…/2017-otp-rep-PE-UKRAINE_RUS.pdf