Halqara ortaqlarımıznıñ diqqatlarını Qırım Muhtar Cumhuriyeti ve Aqyar şeeri topraqlarınıñ vaqtınca işğal etilüvi neticesinde peyda olğan meselelerge celp etüvniñ ve Ukrainanıñ topaq bütünligine ve egemenligine qol tutuvnıñ bir vastası, vaqtınca işğal etilgen Qırım Muhtar Cumhuriyeti ve Aqyar şeeri topraqlarınen memuriy sıñırnı ecnebiy devletlerniñ vekilleri tarafından ziyaret etüvdir.
Ukraina Prezidentiniñ Qırım Muhtar Cumhuriyetindeki Temsilciligi halqara seviyede tedbirlerni amelge keçirüv çerçivesinde halqara ortaqlarımıznen faal şekilde işbirlikte çalışa.
2020 senesiniñ berim ayından başlap Temsilcilik vaqtınca işğal etilgen Qırım Muhtar Cumhuriyeti ve Aqyar şeeri topraqları ile memuriy sıñırnıñ, hususan ”Qalançaq” ve ”Çaplınka” KÇNN-nıñ Kanada, Büyük Britaniya, Litvaniya, Latviya, Malayziya, İndoneziya, Vyetnam, Çehiya, Slovakiya, Lehistan, Romaniya, Estoniya, İsveçiya, Danimarka ve Norvegiya devletleriniñ Fevqulâde ve Vekâletli Elçileri/elçi muavinleri tarafından ziyaret etilüvine sebepçi oldı.
Bu vaqialar ”Qırım platformasınıñ” bu sene arman ayınıñ 23-de keçirilecek İlk sammiti arfesinde pek müindir.
Bu kibi ziyaretler halqara ortaqlarımıznıñ memuriy sıñırdaki vaziyetni öz közlerinen körmelerine, Qırımdan Hersonğa memleket içinde avuşqan şahıslarnen, silâlı dava ve Qırım meselelerinen oğraşqan devlet organlarınıñ ve cemaat teşkilâtlarınıñ vekillerinen qonuşmalarına ve böyle bir ziyaret vastasınen Ukrainanıñ egemenligine ve topraq bütünigine qol tutuvlarını bildirmelerine hızmet ete.