Tedbirniñ teşkilâtçıları ve iştirakçileri: Ukrainalı Amerika kongress komiteti, Ukrainanıñ ABD Elcihanesi, Bütündünya qırımtatar kongressi, ”Q-hub” Qırım leyha-tasil platforması, qırımtatarlarnı ve ukrainalılarnı Amerikada temsil etken şahıslar, Ukrainadaki qırımtatar gençler.

Mahsus davet etilgen qonuşmacılar:

– Oksana Markarova, Ukrainanıñ ABD-de Fevqulâde ve Vekâletli Elçisi;
– Yuriy Vitrenko, Ukrainanıñ BM teşkilâtı yanındaki Daimiy Temsilcisiniñ muavini;
Oleksiy Golubov, Ukrainanıñ New Yorktaki baş konsulı;
– Anton Korınevıç – Ukraina Prezidentiniñ Qırım Muhtar Cumhuriyetindeki Daimiy Temsilcisi;
– Denis Savçenko, QırımSOS teşkilâtınıñ abulqatı ve idare azası;
– Ayla Bakkallı, BM tamır halqlar meseleleri boyunca Daimiy Forumında qırımtatarlarnıñ temsilcisi;
– Tamara Gallo-Oleksiy, Ukrainalı Amerika kongress komiteti.

Qırımtatar milliy bayraq Künü – Qırımnıñ tamır halqı qırımtatarlarnıñ bayrağını şereflendirüv künüdir. 2010 senesinden başlap, ilk yaz ayınıñ 26-da qayd etile. Mavı tüsteki bayraqnıñ üst sol köşesinde sarı tamğa yerleştirilgendir. İlk olaraq qırımtatar milliy bayrağı 1917 senesi boş ayında keçirilgen qırımtatar Qurultayında tanılğan edi. Bir qaç onyıllıq keçken soñ, 1991 senesi ilk yaz ayınıñ 26-da qırımtatar Qurultayınıñ ekinci çağıruvı qırımtatar milliy bayrağını ğayrıdan tanıdı.