“Qırım-Ukraina” tasil merkezleriniñ hızmetlerinen vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşap tasil alğan soñ, devlet büceti esabına aliy, aliy tasilden evelki mahsus ve zenaat (zenaat-tehnikiy) tasilni almağa aves etken abituriyentler faydalana bile.
Abituriyent aliy oquv yurtına ya da aliy tasilden evelki mahsus oquv yurtına devlet büceti esabına kirip olamasa, kontrakt boyunca oquv şekilinden bücet şekiline keçmek imkâniyeti mevcüt. Bundan ğayrı, tasil merkezi vastasınen zenaat (zenaat-tehnikiy) oquv yurtlarına da devlet büceti esabına kirmek mümkündir.
Keçken seneleri olğanı kibi, 2021 senesi de oquv yurtlarına qabul etüv fermanlarında (havfsızlıq tedbiri olaraq) gençlerniñ adları gizlenip yazılacaqtır. Yalıñız bir tasil merkezi vastasınen kvota-2 çerçivesinde (5 qadar ariza yazıp) kirmek mümkündir.
Adım-adım talimatnen Ukraina tasil ve ilim Nazirliginiñ saifesinde tanış olmaq mümkün:https://cutt.ly/cntVXFP.
Tafsilâtlı malümatnı vaqtınca işğal etilgen Qırım MC, Aqyar şeeri, Donetsk ve Lugansk vilâyetlerinde yaşağan şahıslar içün teşkil etilgen ”Devlet sıcaq ağı” telefonı vastasınen almaq mümkün. İş künleri – saat 9:00-den 18:00 qadar. Tel.: (0-800-504-425).
Hatırlatamız ki, vaqtınca işğal etilgen Qırım Muhtar Cumhuriyeti ve Aqyar şeeri topraqlarında, Donetsk ve Lugansk vilâyetleriniñ işğal etilgen ayrı rayonlarında, çatışuv çizgisindeki mesken yerlerinde yaşağan şahıslarnı ”Qırım-Ukraina” tasil merkezleri vastasınen aliy, aliy tasilden evelki mahsus ve zenaat (zenaat-tehnikiy) oquv yurtlarına qabul etüvge dair amelge keçirilgen yañı Tertipnen aşağındaki bağlantı boyunca tanış olmaq mümkündir: https://bit.ly/3yJ8Nfw.
Bundan ğayrı, vaqtınca işğal etilgen Qırım Muhtar Cumhuriyeti ve Aqyar şeeri, memuriy sıñırnı keçüv, vesiqalarnı resmiyleştirüv ile bağlı meselelernen Esas qanunda pekitilgen insan aqlarına ve serbestliklerine riayet etüvge dair abituriyentler doğrudan-doğru Temsilcilikke vatandaşlarnıñ muracaatları içün adres boyunca muracaat ete bileler:
- Herson şeeri, Uşakov caddesi, 42;
- 0 800 502 192 bedava ”sıcaq ağ” telefonı;
- Skype ağında qullanıcı ‘ark predstavnictvo”;
- ya da [email protected] elektron menzili.
Açıq menbalardan alınğan fotoresim