2019 senesi oraq (iyül) ayı 12 künü Ukraina Prezidentiniñ Qırım MC-deki Daimiy Temsilcisi Anton Korınevıç Ukrainada İnsan aqları boyunca BMT Nezaret etici missiyasınıñ reis muavini, Odesa, Mıkolayıv ve Herson vilâyetlerindeki Missiya temsilciliginiñ reisi Diarmud Kunniff, Missiyanıñ insan aqları saasında mütehassısı Vitaliy Hilko ile Temsilcilikte körüşti.

Körüşüv özara tanışmaq ve Ukraina Prezidentiniñ Qırım MC-deki Temsilciligi ile Ukrainada insan aqları boyunca BMT Nezaret etici missiyası arasındaki işbirlik istiqbalini muzakere etmek maqsadınen keçirildi.

Taraflar vaqtınca işğal etilgen Qırımdaki vaziyetni ve işğalci akimiyet tarafından insan aqlarınıñ ve halqara gumanitar uquqnıñ bozuluvını muzakere ettiler ve kelecekte faal işbirlik aqqında añlaştılar.