2018 senesi saban ayı (mart) 28 künü Ukraina Prezidentiniñ Qırım MC Temsilciliginde halqara alâqalar ve uquqiy talil hızmetleriniñ vekilleri ‘‘Agrar iqtisadiyat institutı’’ Milliy ilim merkezinde keçirilgen ‘‘Vaqtınca işğal etigen Qırımda koy hocalığınıñ şimdiki vaziyeti ve inkişafınıñ istiqbali’’ mevzusında tögerek masada iştirak ettiler. Qırımtatar Milliy Meclisi, ‘‘Agrar iqtisadiyat institutı’’ Milliy ilim merkezi ve Qırım haber agentligi tedbirniñ teşebbüsçileri ldılar.
Tedbir devamında Ukraina ve Qırım MC agrar sektorlarına vaqtınca işğalniñ tesiri, Qırımda koy hocalığınıñ şimdiki vaziyeti ve işğalden soñ yarımadada koy hocalığını ğayrıdan tiklemek içün ilk nevbetteki areketler ve içtiyaclar muzakere etildi.
Munaqaşanı ‘‘Agrar iqtisadiyat institutı’’ Milliy ilim merkeziniñ müdiri, akademik Yuriy Lupenko alıp bardı, munaqaşada Qırımtatar Milliy Meclisiniñ reisi ve azaları faal iştirak ettiler. Temsilcilik vaqtınca işğal etigen Qırımda koy hocalığınıñ şimdiki vaziyetini ve inkişafınıñ istiqbalini öz analitik faaliyetinde, hususan işğal etiigen Qırımğa ve Qırımdan ayvan ve ösümliklerniñ keçirilüvini, işğal etilgen yarımadada epizootiya ve epifitiya meselesini köz ete. Al-azırda 2018 senesi işğalci akimiyet Qırımnıñ Şimaliy-Qırım kanalı vastasınen suv ile teminlevni ğayrıdan tiklemek maqsadınen informatsion, siyasiy ve adliy basqısını arttırğanı qayd etile.
Qırımnı Şimaliy-Qırım kanalı vastasınen suv ile teminlevniñ toqtatılmasınen bağlı ekologik, koy hocalığı ve içtimaiy şaraitlerinde bir de bir menfiy deñişüvler içün mesüliyetni bütünley iştilâci devlet ve Qırımda onıñ işğalci akimiyeti çekecektir. Mütenasip meselelernen bağlı ilmiy munaqaşalar ve muzakereler yuqarıda qayd etilgen suvnen teminlenüvni ğayrıdan tiklemek içün qullanmamalı. İşğal, qanunsız şekilde uquqiy statusınıñ deñiştirilüvi, ‘‘milliyleştirüv’’, açıq-aydın hırsızlıq ve Şimaliy-Qırım kanalı obyektleriniñ iqtisadiy vazifeleriniñ deñiştirilüvi neticesinde meydanğa kelgen zarar milliy ve halqara seviyede mahsus makeme ceryanlarnıñ mevzusı olmalı.
Ukrainanıñ vaqtınca işğal etilgen Qırım topraqlarında koy hocalıqnıñ vaziyetinen bağlı meseleler Temsilcilik tarafından yüksek seviyede iş gruppağa taqdim etilecek Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüvi, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarınıñ qorçalavı boyunca 2018-2019 seneleri içün acele areket Planınıñ leyhasında aks etile. Yarımadada koy hocalığınıñ ğayrıdan tiklev meselesi Temsilcilik tarafından 2018 senesi devamında azırlanacaq Qırımnıñ ğayrıdan integratsiyası boyunca Strategiya leyhasında aks etilecektir.