2018 senesi boş ay (noyabr) 29 künü Temsilcilikteki halqara alâqalar hızmetiniñ reisi Yevgen Samuha Ukrainada Konrad Adenauyer Fondu Temsilciliginiñ ve onıñ reisi Gabriyele Baumannıñ qol tutuvı ile ”Qırım SOS” cemaat teşkilâtı tarafından keçirilgen ”İşğal etilgen Qırımda halqara gumanitar uquqnı ve qırımtatar halqınıñ özüni belgilev aqqını bozuv” boyunca tedqiqatnıñ taqdiminde iştirak etti.

Añılğan tedqiqat Qırım Rusiye tarafından işğal etilgenden soñ Qırımdaki cezalavlar entsiklopediyasınıñ devamı olaraq, 2014 senesi kiçik ay (fevral) 26 kününden başlap, 2018 senesi berim ayı (sentâbr) 30 kününe qadar yarımadada insan aqlarınıñ bozuluvı boyunca malümat bermekte. Taqdim etilgen maruza malümat ve söz serbestligi, tınç toplaşuvlar ve birleşmeler serbestligi, diniy serbestlik, halqara gumanitar uquqnı ve qırımtatar halqınıñ özüni belgilev aqqını bozuv kibi mevzularğa bağışlanğandır.