2018 senesi saban ayınıñ (mart) 11 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov ‘‘ATR’’ televizion kanalında ‘‘İşğal etilgen Qırımda Rusiye prezidenti saylavları’’ mevzusında olıp keçken ‘‘KÖPÜR’’ TV yayınında iştirak etti.

Tedbirde Qırımtatar Milliy Meclisiniñ reisi ve reis muavinleri, Ukraina halq deputatları, cemaat faalcileri ve Skype vastasınen Qırımda yaşağanlar iştirak etti.

Birinci muavin bügün işğal etilgen Qırımda işğalci qanunsız şekilde rusiye qanuniyetnini işletkenini, amma oña köre bile sözde ‘‘saylavlarda’’ rey bermege istemegen vatandaşlar iç bir türlü mesüliyetke çekilmegenini qayd etti. Qırım yarımadasınıñ ilhaqını qanunlaştırmaq içün işğalci akimiyet vatandaşlarımızğa maneviy ve ruhiy basqılarnı yapa. Sözde ‘‘saylavlarnıñ’’ neticeleri iç bir türlü uquqiy aqıbetlerge ketirmez, olarnı ne de Ukraina, ne de halqara cemiyet tanılmaz. Sözde ‘‘saylavlarnıñ’’ teşkil etilüvinde, azırlanuvında ve keçirilüvinde iştirak etken şahıslar cinaiy mesüliyetke çekilecekler.

Temsilcilik vaqtınca işğal etilgen Qırımda keçirilgen qanunsız ‘‘saylavlarda’’ iştirak etmemeğe ve cinaiy işğalci akimiyet tertibatınıñ quruciliğinda onıñ temsilcilerine yardım etmemeğe çağıra.

‘‘KÖPÜR’’ televizion munaqaşasınıñ video qaydı:

https://www.facebook.com/atr.channel/videos/1804533579567869/