2018 senesi ekim (oktâbr) ayı 23 künü Ukraina Yuqarı Şurası insan aqları boyunca Vekâletlisiniñ Ofisinde Ukrainada Büyük Britaniya Elçiliginiñ qol tutuvı ile ‘‘Ukraina – bulunğan yeriniñ strategik qıymeti. Davalı meseleler, Donbasnıñ ğayrıdan integratsiyasına yanaşuv, halqara tecribe’’ mevzusında tögerek masa keçirildi, tedbirde Temsilcilikteki uquqiy talil hızmetiniñ baş mesleatçısı Ruslan Seydametov iştirak etti.

Tögerek masanıñ maqsadı – davanı çezüv mehanizmi olaraq vaqtınca işğal saraitlerinde barışıqnı ğayrıdan tiklev, dialognı teşkil etüv, dialognı qolaylaştıruv, iqtisadiy inkişaf ve davadan zararlanğan eali içün cemiyetni teşkil etüv boyunca milliy siyasetke qanun yaratıcılar ve cemaat tarafından qol tutuvnıñ temelini azırlavdır. Tögerek masanıñ kün tertibine Ukrainada yerli seviyede dialognı teşkil etüv tecribesi, davanıñ obyekti olıp, onıñ çezilüvinde subyekt olaraq iştirak etken cemiyetniñ rölü, akimiyet organlarnıñ cemaat teşebbüsileri ile işbirligi ve davaları çıqarılğan edi.

Tedbirde Ukraina halq deputatları, devlet akimiyeti organlarınıñ, cemaat ve halqara teşkilâtlarnıñ vekilleri, ‘‘Barışuv resursları’’ (Büyük Britaniya) Halqara mustaqil barışuv teşkilâtınıñ ekspertleri iştirak etti.