2018 senesi saban ayınıñ (mart) 21 künü «Glavkom» matbuat merkezinde Ukraina Prezidentiniñ Qırım MC Temsilciligindeki halqara alâqalar ve uquqiy talil hızmetleriniñ baş mesleatçıları «RF temel halqlarını neler bekley?» serlevalı brifingte iştirak ettiler. Tedbirde Umumtatar cemaat merkeziniñ azası ve sabıq siyasiy mabüs Rafis Kaşapov, «Yerzân Val» cemiyetiniñ reisi, antiterroristik küçleriniñ veteranı Bolâyen Sıres, «Yerzân Val» cemiyetiniñ azası, 2007 senesi «Yılnıñ yerzânı» mükâfatını qazanğan Rostıslav Martınük (Ojomason Kırdâ) iştirak ettiler.

Tedbirde Tatarstan, Başqortostan, Çuvaşıstan, Udmurtistan, Mordoviya, Mariy-El kibi İdel-Ural cumhuriyetlerinde RF temel halqlarınıñ aq-uquqlarına riayet etüv muzakere etilidi. Çıqışta bulunğanlar RF akimiyeti milliy faalcilerni taqip etkenini, tasilni ruslaştırğanını, tatar, başqırt, çuvaş, yerzân, mokşan, udmurt ve mariy halqlarnıñ teşkilâtlarını yoq etkenini ve İdel-Ural tamır halqlarınıñ başqa aq-uquqlarını qaba şekilde bozğanını tarif ettiler.

Rusiye akimiyeti tarafından İdel-Ural halqlarına qarşı qorqutuvlar ve fizikiy cezalavlar vaqtınca işğal etilgen Qırımda işğalci akimiyeti qırımtatar halqına yapqan basqı ile teñeştirildi. Brifingniñ neticesi olaraq, cıqışta bulunğanlar vatandaşları ve halqara cemiyet adına muracaat azırlap imzaladılar.