2018 senesi qural ay (mayıs) 22 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov ve Temsilcilikte halqara alâqalar ve uquqiy talil hızmetleriniñ hadimleri Ukraina naqliyat saasına menfiy tesir etken RF qanunsız areketlerinen bağlı meselelerni çezüv boyunca iş muşaversinde iştirak ettiler. Muşavereniñ iştirakçileri deñiz, demiryol ve avtomobil naqliyatı vastasınen RF topraqlarına ve RF topraqlarından tranzit şekilde yolcu ve mallarnı keçirüv meselelerni muzakere ettiler. Bundan da ğayrı, Ukrainanıñ vaqtınca işğal etilgen Qırım topraqlarında qalğan mülkiyetni qaytaruv ve Ukrainağa alternativ yollarnen yüklerni ketirüv kibi meseleler de muzakere etildi.

Birinci muavin İzet Gdanov Ukraina topraqlarından yolcu ve yüklerni keçirüv saasında RF tarafından telükelerge qarşılıq kösterüv ve işğalci RF akimiyeti tarafından Ukrainanıñ içki suvları, territorial deñizi, deñiz yalısı boyunca ve iqtisadiy deñiz zonasında halqara uquqnı bozuluvına, bu cümleden, deñizci aq-uquqlarınıñ ve gemicilik havfsızlığınıñ bozuluvlarına qarşılıq kösterüvnen bağlı Temsilcilikniñ tekliflerini beyan etti. Muşavereniñ neticesi olaraq, Azaq ile Qara deñizlerinde ve Kerç boğazında gemicilik havfsızlığı, Ukraina ve RF arasında deñiz hocalığı ve balıqçılıq aqqında añlaşmanıñ taqdiri kibi meseleler boyunca iş gruppasını teşkil etmege qarar alındı.