Rusiye tarafından işğal etilgen Qırımnıñ memuriy sıñırında işğalci hızmetler naqliyat ve piyade areketlerini bütünley toqtattılar. Bunı Ukraina devlet sıñır hızmeti bildirdi.

”Bugün gece 1:30-da Qırımda bulunğan işğalcı hızmetler vaqtınca işğal etilgen yarımadanıñ memuriy sıñırından naqliyat ve piyade areketlerini bütünley toqtattılar”, – dep qayd etile beyanatta. Böyle qararnıñ sebebi belli degil, çünki Qırımdan qıtağa adamlarnı keçirmeyler. Sıñırcılarnıñ aytqanlarına köre, piyade ve naqliyat miqdarı az olğanı sebebinden, saba saat 8-de memıriy sıñırında nevbetler yoq.

”Çonğar”, ”Qalançaq” ve ”Çaplınka” nezaret noqtalarında yüz bergen vaziyetten sebep, Ukraina devlet sıñır hızmeti vatandaşlarğa seyahatlardan vaqtınca vazgeçmege tevsiye ete.