2018 senesi fevral 2 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin İsveçiyanıñ Ukrainada Vekâletli Büyükelçisi Martin bey Hagstryom ve İsveçiya Elçiliginiñ Birinci Kâtibi Luiz hanım Morsing ile iş körüşüvini keçirdi. Körüşüv devamında Qırımnıñ dostları grupassını teşkil etken aza memleketlerniñ areketlerini uyğunlaştıruv, yarımdanı işgalden azat etüvinde Ukrainağa halqara destek kibi meseleler muzakere etildi.

Taraflar vaqtınca işğal etilgen Qırımda yaşağan Ukraina vatandaşlarını qorçalamaq maqsadınen tehnikiy yardımnıñ uyğunlaştıruvı saasında kelecekteki işbirliginiñ birinci nevbetteki yönelişlerini belgilediler. Memuriy hızmet merkezleriniñ teşkil etilüvini ve inkişafını, KÇNN-nıñ minimal seviyede donatıluvını, qıta Ukrainağa kelip ketken Qırım sakinleri içün qanuniy demiryol ve avtobus taşımalarınıñ teşkil etilüvini maqsat qoyğan Temsilcilikniñ mütenasip faaliyeti muzakere etildi.