2018 senesi berim (sentâbr) ayı 19 künü Ukraina Prezidentiniñ Qırım MC Daimiy Temsilcisi Borıs Babin ve halqara alâqalar hızmetiniñ baş mesleatçısı Valeriya Pahomova Ukrainada İsviçre Konfederatsıyasınıñ Fevqulâde ve Vekâletli Elçisi Giyom bey Şoyrer ve onıñ muavini Sayman bey Pidous ile körüştiler.
Körüşüv esnasında vaqtınca işğal etilgen Qırımnı İsviçre vatandaşları tarafından ziyaret etüv meselesi, Şimaliy Qırımda ekologik buhran ve zarar körgen topraqlarğa mustaqil ve siyasiy ceetten tarafsız eksperlerniñ imkânı olğan ziyareti muzakere etildi.
Borıs Babin (UEFA-nıñ ‘‘HatTrick’’ leyhası çerçivesinde) Avporalı futbol birlikleriniñ (UEFA) qol tutuvı ile merkezi Aqmescit şeerinde olğan Qırım Futbol Birliginiñ teşkil etilüvi aqqında haber etti.
RF işğalci akimiyeti tarafından Qırımda gumanitar uquqnı bozuv ve Aqmescitte çalışmağa devam etken Qızıl Haç Halqara Komiteti ofisiniñ bügünki faaliyeti ayrıca muzakere etildi.
Körüşüvniñ neticesi olaraq taraflar kelecekteki işbirlikniñ tertibi aqqında añlaştılar.