Ukraina Nazirler Kabineti 2025 senesi yanvarniñ 17-nde  Vaqtınca işğal etilgen Qırımda bazı coğrafik obyektlerniñ adlarını deñiştirüv aqqında» 49-ncı qararı ile 22 coğrafik obyektniñ adlarını deñiştirildi, çoqusına tarihiy qırımtatar adları qaytarıldı.

Temsilcilik, Ukraina milliy hatıra institutı ve Milliy Meclisnen beraber, menfaatlı taraflarnı celp etip, iş mesleatlaşuvlarında iştirak etip, adları deñiştirilecek obyektlerniñ cedvelini keliştirüv yolunen qarar leyhası boyunca çalışmalarda faal şekilde iştirak etti.

Adlarnı deñiştirüv “Ukrainada rus imperiya siyasetiniñ propagandasını takbih ve yasaq etüv ile toponimlerniñ tarihiy adlarını qaytaruv aqqında” Ukraina Qanunı çerçivesinde olıp keçti. Episi olıp, bu qarar çerçivesinde Ukrainada umumen yüzden ziyade coğrafik obyektniñ adı deñiştirildi.

Qırımda adları deñiştirilgen obyektler:

• Avrorovka ayırığı – Beş Oba ayırığı;
• Artemovka – Toqa;
• Bagrationovo – Qoñrat ayırığı;
• Vorontsovka özeni – Küçük-Çatırlıq özeni;
• Kirovskoye demiryol stantsiyası – İslâm-Terek demiryol stantsiyası;
• Krasnogvardeyske kanalın – Qurman kanalı, onıñ Krasnogvardeyske dalı – Qurman dalı;
• Krasnopartizansk demiryol stantsiyası – Boranğar demiryol stantsiyası;
• Krasnoperekopsk demiryol stantsiyası – Yañı Qapı demiryol stantsiyası;
• Krasnoflotske demiryol stantsiyası – İçki demiryol stantsiyası;
• Krasnoflotske ayırığı – Qaynaş ayırığı;
• Kutuzov çeşmesi – Süngü Suv çeşmesi;
• Lazo ayırığı – Qırmaçı ayırığı;
• Lomonosovo ayırığı – Bay Kögenli ayırığı ;
• Peredovoye ayırığı  – Tüp Tarhan ayırığı;
• Polüşkina deresi – Bürçi deresi;
• Pravdino ayırığı – Aq Taş ayırığı;
• Piyatireçka ayırığı – Kopiyka ayırığı;
• Suvorov emeni – Dört Qardaş emeni;
• Krasnokamenka – Qızıl Taş;
• Çkalovo ayırığı – Büyük Qaracav ayırığı.

Dekolonizatsiya, şu cümleden toponimlerniñ dekolonizatsiyası Ukrayina hatıra siyasetiniñ müim bir qısmıdır, Qırımda tarihiy adlarnıñ qaytarılması ise Ukrayina tamır halqlarınıñ aq-uquqlarını teminlevniñ köstergiçidir.