2017 senesi avgust 30 künü Ukraina Prezidentiniñ Qırım MC Temsilciliginde Daimiy Temsilci Boris Babin başlığında iş muşaveresi olıp keçti.
Muşaverede Ukraina Prezidentiniñ Qırım Muhtar Cumhuriyetindeki Daimiy Temsiciniñ Birinci muavini İzet Gdanov, Temsilcilik hızmetleriniñ reberleri, Ukraina Havfsızlıq Hızmeti Qırım MC Baş idaresiniñ başlıq muavini Volodımır Hmel, Qırım MC prokuror muavini Sergiy Popov, Ukraina Devlet Sıñır Hızmetiniñ Azaq-Qaradeñiz regional idaresiniñ birinci reis muavini Yevgen Andrusçenko, sıñır nezareti idaresiniñ reberi Yuriy Şvalyuk, Ukraina Devlet Migratsiya Hızmetiniñ Herson vilâyetindeki idaresiniñ birinci reis muavini Yana Agapkina, Ukraina Devlet Maliye Hızmeti Herson gümrükhanenesinde gümrük nezareti idaresiniñ reisi Oleksandr Bakulin, Herson vilâyetinde Baş territorial adiye idaresiniñ birinci reis muavini Oleg Predmestnikov ve Ukraina Milliy Politsiyasınıñ Qırım MC Baş idaresiniñ reisi Anatoliy Bahçivancı iştirak ettiler.
Taraflar toplaşuvda iştirak etkenlerniñ vekâletleri çerçivesinde bulunğan bir sıra meseleni muzakere ettiler.
Bu cümleden, Qırım sakinlerine memuriy hızmetlerniñ, ilk-evelâ şahıslarnı tasdıqlağan vesiqalarnıñ berilüvinen bağlı problemli meselelerniñ çezilüvi aqqında laf yürsetildi.
Ukraina Prezidentiniñ Qırım Muhtar Cumhuriyetindeki Daimiy Temsicisi Boris Babin qayd etkenine köre, vaqtınca işğal olunğan topraqlarınıñ sakinleri pasport sımarlağanda bermege mecbur olğan qoşma vesiqalarnıñ cedvelinen bağlı meseleni birinci nevbette çezmege kerek.
Öz nevbette İzet Gdanov qıta Ukrainada memuriy hızmetler saasında qanunsız şekilde aracılıqnen oğraşqan şahıslarnıñ nezaretini yapmağa kerek olğanını qayd etti.
Muşavere devamında mecilste bulunğanlar Qırım sakinleri ve memleket içinde köçken şahıslar içün Qırım ile memuriy sıñırındaki kiriş-çıqış nezaret noqtalarınıñ yanında ”Yekâne pencere” printsipi boyunca çalışqan ofisniñ teşkil etilüvinen bağlı teşebbüsni muzakere ettiler.
Muşavere neticesinde taraflar işbirliklerini quvetleştirmege ve Qırım mevzusınen bağlı meselelerni beraberlikte çezmege añlaştı.
Ukraina Prezidentiniñ Qırım MC Temsilciligi başlığında akimiyet organlarınıñ vekillerinden ibaret olğan vaqtınca işğal olunğan topraqlar boyunca iş gruppasını teşkil etilüvi aqqında qarar qabul etildi.