Prezidentiniñ Qırım MC-deki Daimiy Temsilcisiniñ Birinci muavini İzet Gdanov KÇNN-larınıñ şimdiki vaziyetlerini ve faaliyetlerinen bağlı pıtraqlı meselelerni ögrenmek maqsadı ile ”Qalançaq” ve ”Çonğar” kiriş-çıqış nezaret noqtalarını ziyaret etti.

Ziyaret devamında Ukraina Prezidentiniñ Qırım MC-deki Daimiy Temsilcisiniñ Birinci muavini İzet Gdanov yarıq ve kerekli sanitar şaraitleriniñ yoqluğına, Qırım ile memuriy sıñırından qanunsız taşımalar kerçekleşkenine ve başqa bozuluvlarğa diqqat etti.

İzet Gdanov, ”Vaqtınca işğal etilgen topraqlardan Ukrainanıñ diger qısımlarına ve Ukrainanıñ diger qısımlarından vaqtınca işğal etilgen topraqlarına bazı mal ve hızmetlerniñ keçirilmesi aqqında” Ukraina ükümetiniñ № 1035 qararına deñişmeler kirsetmege kerek olğanını qayd etti.

Bundan da ğayrı, memuriy sıñırda yerleşken ”Qalançaq” nezaret noqtasında Qırım sakinleri ve memleket içinde mecburen köçken şahıslar içün ”yekâne pencere” printsipi boyunca calışıp, memuriy hızmet bergen ofisniñ teşkil etilüvi aqqında laf yürsetildi.

Bunınen beraber, İzet Gdanov qıta Ukrainada memuriy hızmet saasında aracılıq faaliyetinen oğraşqan şahıslarnı, memuriy sıñırnı keçken arada mahsus nezaretten keçirmege kerek olğanını qayd etti.