Temsilcilik azat etilgen Qırım çıqqan sakinlernen körüşmege devam ete. Bu sefer körüşüv, 2020 senesi yarımadadan ketken ve Ukrayina nezaretindeki topraqlarda vesiqalarnı resmiyleştirmek içün yardım içün muracaat etken Artem Derevyanknen ötkerildi.

Hususan, Ukrayina vatandaşı pasportını resmiyleştirgende vaqtınca işğal etilgen Qırım territoriyasında qayd etilgen Artem propiska zorluqlarınen qarşılaştı. Onıñ aqlarını qorçalamaq içün Temsilcilik Qırımda cedvelge alınğan yerniñ tasdıqlanması ve Kıyivde yaşağan yerini bildirüv boyunca Devlet migratsiya hızmetinden beyanlar almağa yardım etti.

Bundan da ğayrı, Temsilcilikniñ destegi ile Artem bergi ödeyüvci kartasını, memleket içinde köçken şahıs belgesini, arbiy cedvelge alınuv vesiqasını ala bildi.

Temsilcilikniñ taqımı Artemge işançı içün minnetdarlıq bildire. Onıñ ikâyesi işğal şaraitlerinde ukrayin kimliginiñ saqlanuvı ve Ukrayina vatandaşı olaraq aqlarını yerine ketirmek ıntıluvınıñ müim örnegi ola. Bu işbirlik Ukrayina ükümeti nezaretindeki topraqlarğa köçken işğal etilgen Qırım sakinlerine qol tutuv mehanizmlerini inkişaf etmege yardım etecek.