2018 senesi boş ay (noyabr) 15 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikniñ Kıyiv şeerindeki ofisiniñ hadimleri ‘‘Boş oturğıçlar’’ serlevalı Rusiyede ve işğal etilgen Qırımda bulunğan ukrain siyasiy mabuslarına ve Ukraina Şarqında esirge alınğan vatandaşlarğa qol tutuv aktsiyasında iştirak ettiler.

Tedbirde Yuqarı Şurası Reisiniñ Birinci muavini İrına Geraşçenko, Ukraina çetel işler Naziriniñ muavini Vasıl Bodnar, Ukraina haber siyaseti Naziriniñ Birinci muavini Emine Ceppar, siyasiy mabus ve jurnalist Roman Suşçenkonıñ qızı Yuliya Suşçenko, aktrisalar İrma Vitovska-Vantsa ve Rimma Zübina, jurnalist Denis Kazanskiy, cemaat teşkilâtlarnıñ vekilleri, diger aktörlar ve jurnalistler de iştirak etti.

Aktsiya teşkilâtçıları añlatqanlarına köre, 1980 senelerinden başlap, boş oturğıç, maküm etilgeni, yaqalanğani, öldürülgeni, ya da ayatı havf altında bulunğani sebebinden nasıldır tedbirde iştirak etemegen müellifni temsil ete. O zamanlardan başlap, noyabr 15 künü bütün dünyada maküm etilgen yazıcılar Künü sayılmaqta. Bu munasebet ile PEN jurnalistler klupları bulunğan çeşit türlü yerlerde aq-uquq qorçalav aktsiyaları ve başqa tedbirler keçirile.