İyün 20-22 künleri M.M.Grışko adına Milliy botanik bağçasında keçken “Krayina mriy” Halqara etnofestivaliniñ programması endi adet üzre “Qırım sanası: Lavanda tarlası” da taqdim etildi. Tedbir devamında 120-ncı TRO Brigadasınıñ müendislik rotası içün STEYR 1291 arbiy yük maşinasına para toplamaq içün “WAY TO UKRAINE” fondu tarafından keçirilgen hayriye aktsiyası keçirildi. İstegenler aktsiyada iştirak etip, Ukraina mudafaa quvetlerine destek kösterdi. Festivalde umumen 80 biñ grivna toplandı.
“Qırım sanası: Lavanda tarlası” medeniy qarşılıq, muzıka, edebiyat, tarihiy hatıra, sanat ve cemaat faaliyeti vastasınen Qırım aqqında qonuşuv meydanı oldı. Festival musafirleri lektsiya, performans, kontsert ve masterklasslarda iştirak etip oldılar.
Tedbirde merkeziy vaqialardan biri, devlet institutlarınıñ temsilcileri, sanatçılar, jurnalistler ve cemaat faalleri iştirakınen “Yasaq altında: rusiyeni qorqutqan medeniyet ve insanlar” adlı munaqaşa oldı. Daimiy Temsilci Olga Kurışko qayd etkenine köre, vaqtınca işğal etilgen Qırımda qarşılıq çoq formatlı olğanını, amma çoqusı vaqıt açıq ya da kütleviy şekilde kösterilmegenini qayd etti. Onıñ aytqanına köre, daimiy basqı, nezaret ve repressiyalar şaraitinde, içtimaiy ağlarda repost ya da urbalarda sarı-mavı renkler kibi küçük areketler bile qarşılıqnıñ şekilleri olabile. Aynı zamanda o, vatandaşlar öz noqta-i nazarlarında yalıñız olmağanlarını hatırlatmaq kerekligini qayd etti:
“Qarşılıq – bir bağ şeklidir. O, boş bir yerde peyda olmay ve desteksiz quvetleşmey. Devlet olaraq bizim vazifemiz – onı köstermek, işğal etilgen topraqta er kün tirenüv yapqanlarğa qol tutmaq.”Programmada “Qırım studiyaları” Merkeziniñ lektsiya blokı da ötkerildi, hususan Qırım hanlığı fenomeni, islâm kimlik faktorı, qaraylarnıñ til siyaseti, yarımadanıñ ekologik çağıruvları ve işğalniñ hronikası aqqında söz yürsetildi. “Qırım İnciri” edebiyat leyhasınıñ edebiyat lektsiyası söz vastasınen Qırım aqqında fikirlerni deñiştirüv aqqında muzakere etken yazıcı, terciman ve aq qorçalayıcılarnı bir arağa ketirdi. Bundan da ğayrı, “ZMINA” insan aqları merkezi tarafından teşkil etilgen Qırım jurnalisti ve siyasiy mabüs Osman Arfimemetovnıñ “Meniñ sürgünim” adlı kitabınıñ taqdim merasimi olıp keçti.
Canlı muzıka çıqışları da tedbirde ayrı bir müit yarattı: Dilaver Osman, Şevket Zmorka ve Ernes Osman terkibinde Qırımtatar muzıkası ansambli diñleyicilerge ananeviy vokal ve ritmlerniñ duyğusal küçüni bağışladı, “Yevşan Zilla” gruppası ve Cemil Karіkovnıñ çıqışı, İsmail Kurt-Umerniñ “Shopping Hour Grp” ve “Stansia Sivaş” ile çıqışları folklor ve zemaneviy nağmelerni birleştirdi. Aziza Eskenderniñ icrası lirik, vizual-plastik kimlik aqqında meditatsiyağa daldırdı. Balalar meydanında ise masallar, video lektsiyalar, interaktiv til dersleri ve muzıkalı oyunlar keçti.
Lavandadan demetler yapma, ornekler, qına, toqumada resim yapma ve qırımtatar oyunları masterklassı festivalde birlik duyğusını arttırdı.
İstegenler festivalde ananeviy küreş yarışına da qoşulıp oldı.
“ZMINA” insan aqları Merkezi tarafından teşkil etilgen “Qırım vatandaş jurnalistleriniñ közleri ile: 10 yıl esirlikte” sergisi seyircilerniñ diqqatını celp etti. Sergide Qırım vatandaş jurnalistleri ve faalleri tarafından yapılğan unikal fotoresimler taqdim etildi. Er kes “Serbest Qırımğa mektüp” teşebbüsine qoşulıp, Qırım siyasiy mabüslerine qol tutuv mektübini yazıp oldı.
Balalar içün programma çerçivesinde balalar qırımtatar medeniyetine bağışlanğan ilmiy ve icadiy tedbirlerge qoşulıp oldılar. Hususan, iyünniñ 20-nde “Qırım: entsiklopediya, masal, oyun. Kitap oquma”, Ukraїnerden “Qırımtatarları. Kim ola?”, qırımtatar tiliniñ “Selamlaşamız, tanışamız, esaplaymız” dersi, Katerina Kalitkonıñ icrasında “Alim” audiomasalnı diñlev ve “Bala muzıkası. Qırımtatar foklorı” muzıkal programması teşkil etildi. 21 iyün künü “Qırım aqqında hatırlavımnı arbiyge bağışlayım” resim yarışı, Natalya Smirnovanıñ “Kerimniñ Qırımı” kitabını oquma, “Bilgi: medeniyet aqqında hatıra” tedbiri formatında efsanelerni diñlev, “Kitap-kezüv: Jamala qırımtatarlarnıñ sürgünligi aqqında” video lektsiyası ve “Balalar muzıkası. Qırımtatar folklorı” muzıkalı programma ötkerildi. Ertesi künü balalar “Qırımtatar atalar sözleri” qırımtatar tili dersini, Anastasiya Levkovnanıñ “Aşıq Ömer” kitabını oquv, “Milliy kostüm – qırımtatarlarnıñ özgün çizgisi” ve “Qırımtatarlarnıñ tarihında 5 mif” videolektsiyaları, bala muzıkasınıñ final blokını seyir ettiler.
Qurban bayramında kesilgen etten pişirilgen lezzetli pilav festivalniñ gastronomik zirvesi oldı. Bu yemek, teren maneviy ananeniñ timsali oldı: musulman adetlerine köre, qurban eti qoranta, soy-soplar ve merhamet, qardaşlıq ve cümertlikke muhtac arasında bölüne.
Şeyh Murat Suleymanovnıñ yardımı ile Ukraina musulmanları kongressi tarafından insanlarğa pilav dağıtıldı. Bütün istegenlerge bayram kününde qurbanlarnı bölüv ananesiniñ bir qısmı olaraq, pilavnen bedava sıyladılar.
Qazannıñ yanında para toplamaq içün QR kodu qoyuldı – toplanğan bütün paralar, Topraq mudafaası quvetleriniñ 120-nci brigadasınıñ müendislik bölügine yollandı.
Musafirlerge “TAKAVA” dostlarımızdan qumda pişirilgen qave, “Leilia Bakery”den hamur aşları ve “Musafir” restoranından qırımtatar pahlavası, “Qadın Divanı” qırımtatar qadınlarınıñ teşebbüsinden tatlılıqlar kerçek qırımtatar musafirperverliginiñ müitini yaratıp, ananelerini ve kerçek qırımtatar musafirperverligini aks etti.
Tedbirniñ bütün künleri qırımtatar hatıra ve medeniyetiniñ müitini yaratacaq tematik yerler çalıştı. Ziyaretçiler Rustem Skibin, “Aqyar ceramics” , “Noman” , Adile Celâl, “Qadin Divanı” , “Bağçasaray aralıqları”, “Niyara Artmaz”, Elzara Galimova, “Krımskiy smak”, “Ukraine Secrets” meydançıqlarının ziyaret etip, mahsullarını asatın alıp, yerli ustalarğa qol tuta bildiler, teşkilâtçılarnıñ tematik markalarınen, şu cümleden “Crimea Daily” media teşebbüsinen tanış ola bildiler. Qırım medeniyet abidelerinen donatılğan fotozonanlar Qırım ile bağnı hatırlatqan bir yer oldı.
“Qırım sanası: Lavanda Tarlası” Ukraina Prezidentiniñ Qırım Muhtar Cumhuriyetindeki Temsilciligi, Qırım Platforması Ofisi, “Crimea Daily” media teşebbüsi, “Qırım evi” Devlet müessisesi, TRO Media, Qırımtatar Milliy Meclisi, “ZMINA” İnsan aqları merkezi, “QırımSOS” cemaat teşkilâtı, “Qırım İnciri” edebiyat leyhası, “Qırım studiyaları”, QIRIM.MEDIA, “TAKAVA” sıñırlı şirket, “Musafir” qırımtatar yemekleri restoranı, “Umma” Ukraina musulmanları diniy idaresi, “Qadın divanı” qırımtatar qadın teşebbüsi ve “Leilia Bakery” sayesinde teşkil etildi.