Украина уникаль девлет оларакъ, асырлар девамында демократия эсасларыны риает ве татбикъ этмекте. Земаневий Украина Конституциясы бу, Пилип Орлик, УХДж Конституциялары ве Павло Скоропадскийнынъ Украинанынъ вакътынджа девлет къурумы акъкъындаки къанунларындан башлангъан узун, тикенли девлеткъурув ёлунынъ нетиджесидир.

Урьметли ватандашлар!

Мустакъиль Украина Конституциясынынъ земаневийлештирилювинен багълы Эсас къанунынынъ базы къайделерининъ терен исляаты, дюньянынъ эсас демократик мемлекетлерининъ юксек стандартларына уйгъунлаштырылмасы, озь невбетинде Украина кесен-кес авропа муитинен бирлешеджегини ве эр ватандаш озь укъукъ, азатлыкъларыны мунасип шекильде ерине кетиреджегини темин этмекте.

Украина Президентининъ тешеббюсинен Конституция комиссиясы, Къырым Мухтар Джумхуриетине мунасебет, Украина Конституциясынынъ Х Болюгине кирсети – леджек денъишме ве илявелер боюнджа фикирлери астында чалышаджакъ иш группасыны тешкиль этти.

Денъишме ве илявелер къырымтатар халкъыны мустакъиль сербест Украина девлетининъ теркибинде бельгиленмесине айырылмаз акъкъынен темин этеджек – лер эм этник украинлери ве башкъа Къырым этнослары ичюн мусавий укъукъ ве граждан азатлыкъларынынъ толу ве там кефили оладжакълар.

Исрар ве федакярлыкъ русие баскъынджылыгъына къаршы турсынъ, барышыкъ, Украинанынъ мустакъиллик ве топракъ бутюнлиги гъайрыдан тикленильсинъ, вакътынджа ишгъаль этильген территорияларына азатлыкъ къайтсынъ.

Украина девлетчилигининъ тасдикъланув къадир ве тарихий заманынында къувет, чыдам ве сабыр тилейим!

Байрам хайырлы олсун ! Украина Конституциясы куню иле!
Украинагъа шан – шерефлер олсун!