2017 сенеси февраль1 башлап ,№14-Л, №15-Л, №16-Л  Маариф ве илим  назирлигининъ эмиринен вакътынджа ишгъаль этильген Къырым Мухтар Джумхуриети ве Акъяр шеэри территориясында ерлешип, лицензиядан марум этильген ве тасиль фаалиетини алып барувына акъкъы олмагъан алий окъув юртларынынъ джедвели тасдикъ этильди.

Вакътынджа ишгъаль этильген территориясында яшап, 2014 сенеси февраль20 сонъ Къырымда тасиль алгъан Украин ватандашларнынъ, 2016 сенеси майыс 19 бельгиленген  Маариф ве илим  назирлигининъ эмиринен тасдикъланып,Украина адлие назирлигинде №793/28923 2016 сенеси майыс 30 къайд этильген, вакътынджа ишгъаль этильген Украина территориясында 2014 сенеси февраль 20 сонъ алынгъан ихтисасларны, окъув нетиджелерни ве алий тасиль тертибатындаки окъув заманыны къабул этильмеси ичюн Аттестация кечюв тертибине эсасланаракъ, аттестациядан кечмесине акълары бардыр.

Аттестация кечильмеси ичюн невбеттеки арекетлер беджерильмели:
• келишкен зенаат боюнджа азырлагъан  АОЮ  сайлап алмакъ;
• Украинанынъ къыта къысымына чыкъып, сайлап алынгъан АОЮ ашагъыдаки весикъаларны бермек:
– тасиль беяннамесини;

– шахсиетни исбатлагъан весикъасыны;

– Украинада танылгъан тасиль весикъаларнынъ асыл нусхаларыны (булунмасы алында) ;
– ишке нисбетини ве ишлев муддетини тасдикълагъан весикъаларнынъ копиясыны  (булунмасы алында);
• даветнамени алмакъ (аттестациягъа изин);
• давет этильгенинден учь кунь кечикмезден эвель аттестациядан кечмек;
• учь куньден сонъ аттестациянынъ нетиджелерини алмакъ (комиссиянынъ мусбет я да менфий къарары).

Дикъкъат этинъиз!

Ариза берювджи, онынъ алий окъув юртына окъумагъа  къабул этилювине  айры шартлары олгъаныны тасдыкълагъан весикъа – ларны  (весикъаларнынъ копиясыны) да  теслим эте биле.

Ариза берювджи тасиль беяннамесине къошма оларакъ ,  косьтерильген малюматларны догърудан-догъру я да къарарларында исбат этип олгъан, дигер весикъаларны (малюматларны) да бермеге акълы  (бу весикъалар  (малюматлар) электрон шекилинде  сайы суретинде теслим этильмеси де мумкюн).  Озь невбетинде керекли алда алий окъув юрты сайы суретлернинъ асыл нусхаларынен эм /я да бу веси – къаларнынъ (малюматларнынъ) копияларынен уйгъунлыгъыны тешкермеге акълыдыр.

Эгер ариза берювджи шахсен алда весикъаларны теслим этсе, алий окъув юртынынъ ресмий шахысы берильген весикъаларнынъ асыл нусхаларындан копияларыны япып, тасдикъламалы. Весикъаларнынъ асыл нусхалары шу куню де ариза берювджиге къайтарыла.

“Шахсий малюматларнынъ къорчалавы акъкъында” Украин къанунына эсасланаракъ, Ариза берювджи алий окъув юртына язма шекилин – де разылыкъ бермели.

Тафсилятлыджа малюматларны ватандашлар,  Украинанынъ  Маариф ве илим назирлигининъ алий тасиль болюгинен +38(044)481-47-73, 481-32-63 номералы телефон вастасынен  багъланып, ала билелер. Ярдым ве тевсие ичюн ватандашлар  Къырым Мухтар Джумхуриетинде Украина Президентининъ Векялетханесине  уйгъун алякъа вастасынен даима мураджаат эте билелер.