2018 senesi berim (sentâbr) ayı 28 künü Ukraina Prezidentiniñ Qırım MC Daimiy Temsilcisi Borıs Babin Ukrainada Lehistan Cumhuriyetiniñ Fevqulâde ve Vekâletli Elçisi Yan Peklo, Missiyanıñ Başlıq muavini, siyasiy-iqtisadiy bölüginiñ reberi Mihal Ğerğon, Birinci kâtibi Danuta Valetska ile körüşti.
Körüşüv esnasında işğalci devlet tarafından halqara qumanitar uquq şartlarınıñ kütleviy şekilde bozuluvı ve sanktsıyalar siyasetini semereli şekilde yerine ketirüv muzakere etildi. Ayrıca devletlerimiz arasındaki diplomatik işbirlikni quvetleştirmek kerek olğanı qayd etildi. Körüşüvniñ neticesi olaraq, taraflar kelecekte işbirlik tertibi aqqında añlaştılar.