2018 senesi boş ay (noyabr) 20 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikteki halqara alâqalar hızmetiniñ yolbaşçısı Yevgen Samuha Lehistan Mustaqilligini ğayrıdan tiklevniñ 100-yıllığı munasebeti ile Ukrainada Lehistan Elçihanesinde teşkil etilgen resmiy qabulda iştirak etti.

Borıs Babin Ukrainada Lehistannıñ Fevqulâde ve Vekâletli Elçisi Yan Peklonı tantanalı vaqia ile hayırladı ve Ukrainanıñ topraq bütünligine qol tutqan, rusiye istilâsına ve vaqtınca Qırım işğaline qarşılıq kösterüvge diqqat ayırğan Lehistanğa öz minnetdarlığını bildirdi.

Bundan da ğayrı, Daimiy Temsilci tedbir esnasında çetel devletlerniñ bir sıra elçileri ve Ukrainada çalışqan halqara teşkilâtlarnıñ reberleri ile Ukrainanıñ topraq bütünligine qast etüvge qarşılıq kösterüv saasında kelecekteki işbirlikni muzakere etti.