2019 senesi qural ay (mayıs) 13 künü Herson vilâyeti devlet memuriyetinde vilâyet devlet memuriyetiniñ reisi vazifesini vaqtınca becergen Dmıtro Butriy ve Ukraina Prezidentniñ Qırım MC Daimiy Temsilciniñ Birinci muavini İzet Gdanov yolbaşçılığında mayıs 18 künü Qırımtatar halqı sürgünliginiñ qurbanlarını añma kününi teşkil etüv munasebeti ile muşavere keçirildi, muşaverede yerli öz-özüni idare etüv organlarınıñ, vilâyet devlet memuriyeti bölüklerinin ve Qırımtatar Milliy Meclisiniñ vekilleri iştirak etti.

Qırımtatar halqı sürgünliginiñ 75 yıllığı münasebeti ile Herson şeerinde ve vilâyetinde qırımtatar halqı sürgünliginiñ qurbanlarını añmaq maqsadınen bütün afta devamında añma tedbirlerini keçirmege planlaştırılğandır. Mayıs 18 künü Herson şeerinde ”Yuvileynıy” kino-kontsert salonı yanında añma işaretiniñ açıluvı, añma mitingi ve bütünukrain sükünet daqqasında iştirak etüv planlaştırıla.

İzet Gdanov, Ukraina Yuqarı Şurası 12.11.2015 senesi qabul etken ”Qırımtatar haqına qarşı soyqırım yapılğanını tanuv aqqında” № 792-VIII qararı ile qırımtatar halqınıñ 1944 senesi sürgün etilüvi qırımtatar halqına qarşı yapılğan soyqırım olaraq tanılğanını bir kere daa hatırlattı. Yazıqlar olsun ki, Ukrainanıñ bir çoq şeerlerinde kütleviy eglendirüv tedbirleri, bu cümleden, kontsert ve festivaller planlaştırıla.

Ukraina Prezidentniñ Qırım MC Temsilciligi yerli icra akimiyet ve yerli öz-özüni idare etüv organlarını, cemaat ve siyasiy teşkilâtlarını qırımtatar halqı sürgünlik qurbanlarınıñ hatırasına ürmet ile yanaşıp, mayıs 18 kününe planlaştırılğan bütün eglendirüv tedbirlerni başqa künlerge avuştırmağa çağıra.