2018 senesi berim (sentâbr) ayı 13 künü Temsilcilikteki Qırım MC işğalden azat etüv ve ğayrıdan integratsiyası boyunca hızmetiniñ hadimi Sergiy Skrıpnık Melitopol şeerinde keçirilgen ‘‘Medeniyetler arası dialog Akademiyasınıñ’’ forumında iştirak etti. Tedbir çoq medeniyetli dünyada milletler arası birlikke ve bir-birini añlavğa bağışlanğan edi. Tedbirniñ musafirleri arasında Melitopol şeeriniñ yolbaşçısı Sergiy Minko, onıñ muavini Svitlana Boyko, Avropa Şurasınıñ ‘‘Medeniyetler arası şeerler’’ leyhasınıñ yöneticisi Kseniya Hovanova-Rubikondo, Avropa Şurasınıñ ‘‘Medeniyetler arası şeerler’’ leyhasınıñ eksperti Yeva Hilinski, Ukrainadaki urum teşkilâtları Federatsıyasınıñ başlığı, çetelde yaşağan urumlar Şurası beşinci kenarınıñ yönetici muavini Oleksandra Protsenko-Piçacı, Ukraina Milliy cemiyetler Şurası yolbaşçısınıñ birinci muavini Emir Valeyev, Ukraina milliy cemiyetler Şurası prezidiumnıñ azası Tetâna Lukyanova, Zaporijya vilâyeti Melitopol şeer şurasındaki medeniyet bölüginiñ müdiri Mıhaylo Semikin, B. Hmelnitskiy adına Melitopol devlet pedagogika universitetiniñ rektorı Anatoliy Solonenko, Melitopol şeer yolbaşçısınıñ medeniyetler arası integratsiya meseleleri boyunca muşaviri Lüdmila Afanasyeva em de Ukrainanıñ tamır halqlarını ve milliy azınlıqlarını temsil etken cemaat teşkilâtlarnıñ yolbaşçıları bar edi.