2018 senesi boş ay (noyabr) 6 künü Temsilcilikteki halqara alâqalar hızmetiniñ baş mesleatçısı Valeriya Pahomova Memleket içinde köçken ya da davadan zarar körgen şahıslar ‘‘Neticege beraber’’ Forum teşkilâtçılarınıñ ‘‘Mecburen köçken şahıslarnıñ meseleleri nasıl çezilmeli’’ mevzusında matbuat konferentsiyasında iştirak etti.

Tedbirde Ukraina halq deputatı, ‘‘İnsan aqları boyunca Ukraina institutınıñ’’ qurucılarından biri Valeriya Lutkovska, insan aqları boyunca Ukraina-Helsinki birliginiñ eksperti Oleg Martınenko, cemaat teşkilâtlarınıñ, matbuat vastalarınıñ ve haber agentlikleriniñ vekilleri iştirak etti.

Matbuat konferentsiyası çerçivesinde memleket içinde köçken şahıslarğa rast kelgen bir sıra gumanitar meseleler, bu cümleden ‘‘Vaqtınca işğal etilgen ya da devlet akimiyeti organları öz vekâletkerini vaqınca becermegen topraqlarda bulunğan ipoteka obyektleri boyunca ipoteka ödünçleriniñ qaytarıluvını toqtatuv aqqında bazi Ukraina qanunlarına deñişmeler kirsetüv aqqında’’ 7462 sanlı qanun leyhasını, ‘‘(memleket içinde köçken şahıslarnıñ ya da memleket içinde areket etken başqa vatandaşlarnıñ saylav aqları aqqında) bazı Ukraina qanunlarına deñişmeler kirsetüv aqqında’’ 6240 sanlı qanun leyhasını ve ‘‘Ayrıca vatandaş çeşitleriniñ pensiya aluv aqları boyunca bazı Ukraina qanunlarına deñişmeler kirsetüv aqqında’’ 6692 qanun leyhası muzakere etildi.

Memleket içinde köçken şahıslar meseleleriniñ çezilüvi içün yol haritasını teşkil etmek ve memleket içinde köçken şahıslar aq-uquqlarınıñ qorçalanması maqsadınen mahsus fırqalar arası birlikni teşkil etmek kibi meselelerge ayrıca diqqat etildi. Tedbirniñ soñunda çıqışta bulunğanlar memleket içinde köçkenlerniñ aq-uquqları boyunca açıq platformanı teşkil etüv aqqında memorandum leyhasını taqdim ettiler.