Herson vilâyetiniñ Oleşki rayon devlet memuriyetinde memuriy hızmet odası açıldı, bu yerde Ukrainanıñ vaqtınca işğal etilgen Qırım toprağında yaşağan Ukraina vatandaşları da çetelge barmaq içün Ukraina vatandaşınıñ çetel pasportını resmiyleştire bileler.
Odanıñ tantanalı açıluvında iştirak etken Ukraina Prezidentiniñ Qırım MC Daimiy Temsilciniñ Birinci muavini İzet Gdanov öz çıqışında Oleşki devlet memuriyetine, Oleşki rayon şurasına ve Devlet Migratsiya Hızmetiniñ Herson vilâyetinde Baş idaresine bu odanıñ açıluvı oğrunda semereli işbirlik içün minnetdarlığını bildirip, bu mesele Qırımnıñ vaqtınca işğali şaraitlerinde pek muim olğanını qayd etti, çünki yarımadada yaşağan Ukraina vatandaşlarnıñ ekseriyeti memuriy hızmetler içün Herson vilâyetinde muracaat etmekte. Bundan da ğayrı, İzet Gdanov Temsilcilik memuriy hızmet merkezlerni keñişletüv ceryanına bütünley qol tutqanını da qayd etti.
Ukrainanıñ vaqtınca işğal etilgen Qırım toprağında yaşağan Ukraina vatandaşlarına resmiy vesiqalarnıñ berilüvi – devlet içün pek muim meseledir.