2025 senesi mayısnıñ 22-nde Pokrovsk yönelişinde Ukraina Silâlı quvetleriniñ zabiti Nazar Yaroslav oğlu Malik elâk oldı. Yaltanıñ Masandra köyünde doğğan, Taras Şevçenko adına Kiyev milliy universitetiniñ tarih fakultetini bitirgen, “Universitette bir gece” student birleşmesiniñ aktörı olğan.

Nazarnıñ faal vatandaşlıq baqışları daa mektep vaqtında belli olğan edi, hususan Qırım işğali başlağan soñ, Yaltadaki Stepan Rudanskıy adına 15-ncı mektebiniñ soñki çañında, Nazar diger sınıfdaşlarınen beraber telükege baqmadan rusiye gimni yerine Ukraina gimnini icra etken edi. Qayd etilgen videoda, mezunlar başta tüşüngenini, soñra ise qollarını yüreklerine qoyıp, yırlamağa başlağanlarını körmege mümkün.

Bundan soñ ocalar, ana-babalar ve mektep talebelerine qarşı repressiyalar başlandı.

“Men endi Ukraina territoriyasında bulunam. Yaltada qalğan sınıfdaşlarımnı mektepke kelip, ne içün yırlağanımıznı añlatqan yazılar yazmağa mecbur eteler. Ocalar ve mektep müdirleri işten çıqarıldı. Er kes. Amma olarnıñ çoqusı Ukrainağa qoltuta! Kimse yırlaycağımıznı bilmey edi. Biz ise, öz nevbetimizde, şuurlı yırladıq. Biz Ukraina vatanperverlerimiz ve er vaqıt öyle edik. Men bunı gizlemeyim!” – dep yazdı içtimaiy ağlarda o sınıfnıñ mezunlarından biri.

Kıyivde Nazar Taras Şevçenko adına KMU universitetine oqumağa kirdi, anda tarihnı ögrendi. O, tasil teşebbüslerinde faal iştirak etip, em büyük, em de kiçik kurslardaki farqlı student cemiyetlerinen qolaylıqnen añlaşa edi. Nazar studentler yaşayışınıñ, şu cümleden “Universitette bir gece” icadiy birleşmesiniñ parlaq iştirakçisi edi.

“Nazarnı abaylamamaq qıyın edi. O, şaqacı ve aqıllı edi, er kes onı añlap olamasa da, o, leyhamıznıñ büyük bir qısmı olğanını qabul etmemek qıyın. Yoldaş, dost, qardaş ve oğul, arbiy tarih ve silâşınaslıq mütehassısı, improvizator, şaqacı, Masandranıñ fahriy elçisi, 2024 senesinden ise Ukraina Silâlı quvetleriniñ zabiri. Hızmet içün sağ ol. Sağınacaqmız ve hatırlaycaqmız. Ukrain Qırımında seni añacaqmız”, – dep qayd ettiler birleşmede.

У 2024 році Назар став офіцером Збройних Сил України. Із початком повномасштабної війни він свідомо обрав боротися за визволення свого дому — українського Криму. Цей шлях додому пролягав через бої проти російських загарбників.

2024 senesi Nazar Ukraina Silâlı quvetleriniñ ofitseri oldı. Tam miqyaslı cenk başlağanınen o, eviniñ ukrain Qırımını azat etmek içün küreşmege qarar berdi. Evge qaytuv yolu rus istilâcılarına qarşı küreşten keçti.

“Men onı Tarihiy munaqaşa ligasınıñ devamlı seyircisi olaraq da hatırlayım. 2014 senesi Qırımdan köçkeniniñ qıyın ikâyesi birden aqlıma keldi, o, mezuniyet tedbirinde Ukraina gimnini yırlağan edi, o vaqıt yarımada endi işğal altında edı. Teessüf ki, bu ikâyeniñ soñu, öz evini ve başqalarnıñ evlerini ruslardan azat etmek oğruna cebede elâk oluvı oldı”, – dep yazdı Facebookta Nazarnıñ sınıfdaşı.

Bir qaç ay evelsi, Nazar cebede olğanda, babası rak hastalığından vefat etti.

Nazarnıñ sınıf arqadaşarı qorantasına yardım yardım etmek içün banka açtı.

Ateşi yengil olsun!