2018 senesi fevral 1 künü Ukraina Prezidentiniñ Qırım Muhtar Cumhuriyetindeki Temsilciliginde Vaqtınca işğal etilgen topraqlarından köçken vatandaşlarınen çalışqan hızmetniñ reisi Maksim Kojemyaka ve Qırım MC-niñ ğayrıdan integratsiyası ve işgalden azat etilüvi boyunca hızmetniñ baş mesleatçışı Bahşiş Kerimov Geniçesk rayonınıñ Novoolekisyivka qasabasında olıp keçken ‘‘Novooleksiyivka qasabasında Memuriy hızmet bergen merkezniñ teşkil etilüvi’’ serlevalı cemaat diñlevlerinde iştirak ettiler.

Diñlevler devamında rayon ealisini keyfiyetli memuriy hızmetlernen ve ihtimal vaqtınca işğal etilgen Qırım sakinlerini pasportlaşma hızmetlerinen temin etmek maqsadınen memuriy sıñırnıñ yanında MHBM teşkil etilüviniñ kerekligi muzakere etildi. Tedbirge ‘‘Temel halqnıñ milliy yerli öz-özüni idare etüv organlarını Ukrainanıñ öz-özüni idare etüv sistemasına ital etüv’’ leyhası qol tuttı.

Tedbirde iştirak etken Temsilcilikniñ vekilleri vaqtınca işğal etilgen Qırımda yaşağan Ukraina vatandaşlarına yerleşüvi ceetten  oñaytlı olacaq MHBM teşkil etilüvine qol tuttı. Bundan da ğayrı, ekspert olaraq davet etilgen Çerkassı vilâyeti Bilozersk koy şurası icra komitetinde memuriy hızmetler boyunca bölükniñ müdiri O.A. Yajeleçuk 2016 senesi teşkil etilgen MHBM tecribesi aqqında ikâye etip, vilâyetniñ sakinlerine memuriy hızmet berüv saasında musbet deñişmelernen paylaştı.

Diñlevlerniñ neticesi olaraq, Novooleksiyivka cemaatı qasabalarında MHBM teşkil etilüvi aqqında qasaba şurasına müracaat etmek teklifine tolusınen qol tuttı.