2018 senesi boş ay (noyabr) 16 künü Ukraina Prezidentiniñ Qırım MC Daimiy Temsilcisi Borıs Babin Novotroyitske qasabasında Memuriy hızmet merkeziniñ açıluvında iştirak etti.

Novotroyitskte ‘‘yekâne pencere’’ şekilinde çalışqan Memuriy hızmet merkezinde qolay ve tez şekilde 135 memuriy hızmetni almağa mümkün. Novotroyitskiy rayon vaqtınca işğal etilgen Qırım civarında yerleşe, mında Memuriy hızmet merkezi açılğandan soñ, vaqtınca işğal etilgen Qırımda yaşağan Ukraina vatandaşları Herson vilâyetinde kerekli vesiqalarnı resmiyleştire bileler. Ukraina vatandaşı İD-pasportlarını ve biometrik çetel pasportlarını resmiyleştirgen odanıñ donatıluvına vilâyet ve yerli bücetlerinden 163,3 bin grivnâ miqdarında devlet maliyesi masraf etildi.

Merkezniñ açıluvına Herson vilâyeti devlet memuriyetindeki iqtisadiy inkişaf ve ticaret Bölüginiñ müdiri Dmıtro Butriy, Ukraina halq deputatı Sergiy Hlan, cemaat ve matbuat vastalarnıñ vekilleri teşrif büyürdılar.