Apisten evel yaşayışı

Enver Ömerov 1961 senesi noyabrniñ 9-nda Ferğana şeerinde (Özbekistan) doğdı. Soñra ömür arqadaşı ve balalarınen beraber tarihiy Vatanı – Qırımğa qaytıp keldi.

Enver zenaatına agronom. Umumen, o, cemaat faali edi: diniy bayramlarnıñ teşkil etilmesinde iştirak etip, rusiye telükesizli küçleri tarafından basıqı altında olğan vatandaşlarına qol tuta edi.

Apis müddeti

2019 senesi iyünniñ 10-nda Enver Ömerovnı tutıp aldılar. Şu künü o, qızı ve siyasiy mabüs Rustem İsmailovanıñ ömür arqadaşı Fatma İsmailovanen beraber rostov-na-donu şeerine yolda edi, çünki anda kiyeviniñ işi boyunca mahkeme diñlevi olacaq edi. Enver Ömerovnıñ apske alınmasından eki yıl evelsi, onıñ qorantası evleri taqip altında olğanını qayd etken edi.

2020 senesi yanvar ayında rusiyeniñ “mahkemesi“ Enverni 18 yılğa mahküm etti. Onı rusiyede yasaq etilgen “Hizb-ut-Tahrir“ teşkilâtınıñ faaliyetine iştirak etüvde qabaatladılar. Qabaatlavlar, dava iştirakçileriniñ diniy ve içtimaiy-siyasiy meselelerni müzakere etkenleri aqqında iddialarğa esaslandı.

Apis müddeti

Envernıñ qorantası onıñ apiske atılğanı sebebinden çoq arıqlağanını, pek yorğun olğanını, tibbiy yardımğa muhtac olğanını haber ettiler. Onıñ hronik tonzillit, qaburğalarara nevralgiya, gipotoniya, buğum hastalığı kibi bir sıra hronik hastalıqları bar.