14 ноябрь 2016 сенеси Херсонда Къырым Мухтар Джумхуриетинде Украина Президентининъ Даимий Векили Наталия Попович Авропадаки телюкесизлик ве ишбирлик тешкилятынынъ Украинада махсус миссиясынынъ козетиджи группасынынъ ребери Питер Чилверзнен корюшти.

Корюшюв маалинде Наталия Попович Питер Чилверзни Къырым Мухтар Джумхуриетинде Украина Президентининъ Векялетханеси хызметлерининъ иш ёнелишлеринен таныштырды.

Корюшюв кетишатында тарафлар вакътынджа ишгъаль этильген Къырым Мухтар Джумхуриети ве Акъяр шеэри  территорияларында ватандашларнынъ эсасий укъукъ ве азатларынынъ къануний бозулув вазиети акъкъында лаф юрсеттилер эм сиясий  ве ичтимаий- икътисадий сааларында базы суаллерини музакере эттилер.

Айрыджа, Къырым Мухтар Джумхуриетинде Украина Президентининъ Даимий Векили Инсан укъукъларынынъ умумий декларациясына, инсан акъкъы суаллери боюнджа халкъара анълашмаларына ве башкъа месулиетли халкъара весикъа ве декларацияларына эсаслангъан, ООН Башасамблеясында сайлавгъа къоюладжакъ «Къырым Мухтар Джумхуриети ве Акъяр шеэриетиндеки инсанларнынъ укъукъ саасынынъ вазиети» къарарынынъ лейхасы эмиетли олгъаныны къайд этти.

Эм де, тарафлар вакътынджа ишгъаль этильген Къырым Мухтар Джумхуриети ве Акъяр шеэри тарриториясындан Украинанынъ къыта тарафына кочькен ветандашларгъа ярдым Косьтерювине догърултылгъан девлет сиясетининъ ерине кетирюв суаллерине дикъкъатыны джельп эттилер.