2018 senesi qural ay (mayıs) 5 künü Ukraina Prezidentiniñ Qırım MC Daimiy Temsilcisi Borıs Babin Odessa vilâyetindeki aliy oquv yurtlarında yerleşken ‘‘Qırım – Ukraina’’ tasil merkezlerniñ reberleri, Odessa devlet memuriyetinde ve Odessa şeer şurasında tasil be ilim bölükleriniñ hadimleri ile Ukrainanıñ vaqtınca işğal etilgen Qırım topraqlarında yaşağan vatandaşlarnıñ tasil aqlarına riayet etüvnen bağlı tedbirler boyunca ofisten tış keñeşni keçirdi.

Toplaşuv esnasında aliy oquv yurtlarğa 2017 senesi kiriş kampaniyasınıñ neticeleri talil etildi, 2018 senesi kiriş kampaniyasına azırlıq, vaqtınca işğal etilgen topraqlarda yaşağan vatandaşlarnıñ ayırlığan kvotalar boyunca 2018 senesi Odessa vilayetiniñ oquv yurtlarında tasil aqlarına riayet etüv ve olar içün uzaqtan ve eksternat şekilinde tasil imkânlarını teşkil etüv kibi meseleler muzakere etildi. Keñeşniñ iştirakçileri ağımdaki seneniñ kiriş kampaniyası devamında aliy oquv yurtlarnıñ icra akimiyet organları ile işbirlikniñ ve faaliyetleriniñ mükemmeleştirilüvi boyunca tevsiyeler azırladılar.

Daimiy Temsilci Borıs Babin memleket içinde Qırımdan köçken şahıslarnıñ tasil aqlarına riayet etüv saasındaki meselelerge, bu cümleden, olarnıñ aliy oquv yurtlarğa qabul etilüvine diqqat ayırdı ve 2018 senesi Qırım sakinleri içün Odessa oquv yurtlarına kiriş imkânları boyunca haber-reklama kampaniyasını mükemmelleştirmek kerek olğanını qayd etti.