2018 senesi ekim (oktâbr) ayı 23 künü Lehistan çetel işler Nazirniñ «Pro Dignitate Humana» (‘‘İnsan menligi içün’’) premiyası işğal etilgen Qırımda terroristik faaliyette qabaatlanıp, Rusiye tarafından maküm etilgen ukrain kinorejissörı Oleg Sentsovğa berilecegi aqqında ilân etildi.

Bu premiya insan aqlarını ve insan menligini qorçalav boyunca sarsılmaz mevamnı numayış etken şahıslarğa berile, yarımadada rusiye istilâcısı tarafından taqip etilgen ve cezalavğa oğratılğan şahıslarnıñ aq-uquqlarını qorçalavğa qol tutıp, sarsılmaz ve fedakâr mevamını numayış etken Oleg Sentsov işbu premiyanı almağa bütünley lâyıqtır.

Temsilcilik Lehistan çetel işler Nazirliginiñ qararını alğışlay ve Rusiyedeki ukrainalı siyasiy mabuslarğa qol tutuv tedbirleri, Ukrainanıñ  istilâcısı ile küreşine ayırğan diqqatı ve Qırımnı işğal etmek qanunsız ıntıluvlarnı tanımayıp, halqara arenada numayış etken qattı mevamı içün Ukrainada Lehistan Cumhuriyetiniñ Elçihanesine öz münnetdarlığını bildire.

Temsilcilikniñ reberiyeti Oleg Sentsovnıñ aqrabalarına yuqarıda qayd etilgen premiyanı Varşava şeerinde aluvda vekâletli akimiyet organları ve Lehistan diplomatları ile beraberlikte  yardım etecektir.