2018 senesi oraq (iyül) 25 künü İnsan aqları boyunca Avropa mahkemesi siyasiy mabus Oleg Sentsovnıñ işğalci devletke qarşı (Sentsov v. Russia, 48881/14) davası boyunca Mahkeme reglamentiniñ 39-ncı maddesini amelge keçirdi. Böyleliknen, Avropa mahkemesi Rusiyeden maküm etilgen rejissör Oleg Sentsovğa sağlıq saqlav müessisesinde mutenasip tıbbiy yardımnı bermege talap ete. Aynı vaqıtta, Avropa mahkemesi Olegge açlıqnı toqtatmaq ve ayatınıñ qurtarıluvı içün teklif etilgen tedbirlerni qabul etmek ricasınen muracaat etti. Rusiye tarafından ukrain siyasiy mabuslarnıñ aq-uquqlarını devamlı ve yaramay niyetnen bozuv, insaniyetke qarşı vaqıt ile sıñırlanmağan vahşiy cinayetler olaraq, bunda qabaatlı olğan bütün vekâletli şahıslarnıñ ille de mesüliyetke çekilüvinen yekünlenir.