2018 senesi ilk yaz ayı (iyün) 6 künü Yuqarı Şurasınıñ İnsan aqları boyunca vekâletlisi Lyudmila Denisovanıñ Herson vilâyetine ziyareti çerçivesinde Vekâletliniñ Qırım MC ve Aqyar şeeri sakinleriniñ aqlarına riayet etüv boyunca Temsilcisi İsmail Halikov taqdim etildi, onıñ ofisi Herson şeerinde çalışacaqtır.

Lyudmila Denisova Vekâletliniñ Temsilcisiniñ tayin etilüvi vaqtınca işğal etilgen Qırım sakinleriniñ meselelerini çezmege yardım etecegine eminlik bildirdi. Vekâletliniñ Temsilcisiniñ devlet akimiyeti ve öz-özüni idare etüv organlarnı, vatandaşlarnıñ statuslarına baqmadan, olar mecburen tutulğan yerlerni evelden haber etmeden ziyaret etmek, vesiqalarnen tanışmaq ve devlet akimiyeti, öz-özüni idare etüv ve savcılıq organlarından, bu cümleden mahkemelerde bulunğan işer boyunca, vesiqalarnıñ nushalarnı talap etmek aqqı bardır.

Yuqarı Şurasınıñ İnsan aqları boyunca vekâletlisi Ukraina Prezidentiniñ Qırım MC Daimiy Temsilcisi Borıs Babin, Ukraina Prezidentiniñ Qırım MC Temsilciliginiñ ve Vekâletliniñ Kâtibiyetiniñ hadimleri, icra akimiyetiniñ memurları ile beraberlikte ‘‘Qalancaq’’ KÇNN-nı ziyaret etti. Ziyaret esnasında KÇNN yarıq, piyadeler içün yol ve saçaq ceetten eñ minimal seviyede ale daa abadanlaştırılmağanı ve KÇNN-dan Herson vilâyetniñ mesken yerlerine qanuniy yolcu taşıyıcılar oyle de saylanmağanı kene de qayd etildi.

Ukraina Devlet sıñır hızmetiniñ ve Ukraina Milliy Politsiyasınıñ hadimleri ayırıcı yolaqta ve onıñ etraflarında hızmet eter eken devlet menfaatınıñ ve insan aqlarınıñ qorçalavı oğrunda köstergen areketlerine yüksek qıymet kesildi.