Afta içinde olıp keçken esas vaqialar
▶ Ukraina Silâlı Quvetleriniñ Baş Ştabı rusiyeniñ penza vilâyetinde “penzanefteprodukt” cermay deposını ve Qırımda işğalcilerniñ radar stantsiyası urulğanı aqqında haber berdi.
▶ Qırımda balalıq çağında rus indoktrinatsiyası ve askeriyleştirüvi sebebinden yarımadadan 318 kişi işğalcilarnıñ teşviqatı qurbanları olıp, Ukrayinağa qarşı cenkleştiler ve Ukrayina Silâlı Quvetleri tarafından yoq etildiler.
▶ 2025 senesi dörtünci çerikte vaqtınca işğal etilgen Qırım ve Aqyarda siyasiy repressiyalarnıñ kölemi emsaliolmağan seviyege çıqtı ve orta Rusiye köstergiçlerinden aman-aman 4,9 kere aştı. Keçken sene bu aralıq 2,8 kerege yaqın edi, bu ise eñ ağır repressiya ve basqı seviyesini köstere. Hususan, siyasiy sebeplerden cinaiy işlerniñ aman-aman 88%-i apis cezasınen bite, rusiyeniñ içinde ise bu raqam 2025 seneniñ soñunda 70%-ge yaqın edi.
İşğal cinayetleri
▶ Yanvarniñ 19-na qadar işğalciler qanunsız şekilde 224 insannı tutıp aldı, olardan 133 – qırımtatarı.
▶ 2026 senesi yanvarniñ 26-na qadar vaqtınca işğal etilgen Qırımda “rusiye federatsiyasınıñ silâlı quvetlerini itibardan tüşürüv” aqqında rf memuriy cinayetler kodeksiniñ 20.3.3 maddesine köre açılğan 1672 dava qayd etildi. 1542 davada para cezalarınıñ berilmesi ya da davalarnıñ birleştirilmesi aqqında qarar alındı. 17 davanıñ baqılması daa devam ete. Qararlarnıñ 816 (53%) qadınlarğa qarşı ve 724 (47%) erkeklerge qarşı çıqarıldı.
▶ Siyasiy mabüs Tofik Abdulgaziyevniñ apayı bir yarım ay evelsi onıñ miyinde yaramay şişik tapılğan soñ, onıñ sağlığı keskin şekilde fenalaşqanı aqqında haber etti. Onıñ aytqanına köre, Abdulgaziyev areket etüv bozuluvı ve areket etmekte ciddiy qıyınlıqlardan şikâyet etken, ondan ğayrı mabüs baş aylanuvınıñ artqanını ve burun qanaması peyda olğanını bildirgen.
▶ Qırım siyasiy mabüsi Timur Yalkabovnıñ ömür arqadaşı, 17 yılğa apske mahküm etilgen ve murmansk vilâyetindeki 17-nci koloniyasına avuştırılğan 45 yaşlı aqayında gepatit diagnozı qoyulğanı aqqında haber berdi. Bundan ğayrı, Timur Yalkabovnıñ hronik astma ve üçünci gruppa saqatlığı bar, onı 2025 senesi aprel ayında murmansk vilâyetindeki koloniyağa avuştırdılar.
Zorlavnen seferberlik
▶ Rusiye ordusınıñ Qırımda bulunğan bölüklerinden eñ az 2615 asker öldi. Olar arasında 1400 kişiniñ Ukraina vatandaşı olğanı tahmin etile.
▶ İşğal etilgen Qırımdan eñ az 125 rf arbiy hadiminiñ esirge alınğanı tasdıqlandı, olarnıñ çoqusı ihtimal Ukraina vatandaşı.
Qırım yarımadasınıñ askeriyleştirüvi
▶ “Jovta striçka” areketiniñ faalleri Ukrayina Birlik künü münasebetinen aktsiyağa qoşuldılar ve vaqtınca işğal etilgen topraqlar devletimizniñ ayırılmaz bir qısmı olğanını kene hatırlattılar.
İşğalci memuriyetleriniñ propagandası ve duşmanlıqnı qızıştırma
▶ Rusiye teşviqatı vaqtınca işğal etilgen Qırımda fiyatlarnıñ yükselişini, hususan Kremlniñ “yañı haber nutqu“ evfemizmlerini qullanıp, gizlemege tırışa. 2026 senesi yanvarniñ 1-nden başlap halq içün gaz ballonlarınıñ fiyatı yükselgeni aqqında rusiyeniñ idaresi altındaki matbuat vastalarında söz yürsetilmey – onıñ yerine olar fiyatlarnıñ “deñiştirilmesini“, “yañılanmasını“ ya da “tüzetilmesini“ iddia etmege tırışa, bu ise sözde stabillik illüziyasını yaratmaq kerek.
Temsilciligimizge, işğalge ve total propagandağa dayanalmayıp Qırımdan ketmege istegen Ukraina vatandaşlarından mektüpler kelmege devam etmekte. İşğal etilgen Qırımdan çıqış hususında talimatnamemiz aqqında hatırlatamız: https://cutt.ly/FwtiajlS
İşğal etilgen Qırımda yaşağan ve yarımadadaki vaziyet, içtimaiy-iqtisadiy vaqialar, rus ordusınıñ yerini deñiştirüvi, qarşılıq areketleri ve başqa adiseler aqqında haber etken añlayışlı Ukraina vatandaşlarına teşekkürlerimizni bildiremiz. Tafsilâtlı malümatnı Temsilcilikniñ matbuat hızmetiniñ e-mail adresine yollañız: [email protected].
Ukrainağa şan-şüret!