Ukrainadaki ABD Elçihanesiniñ vekilleri Ukraina Prezidentiniñ Qırım Muhtar Cumhuriyetinindeki Daimiy Temsilcisi Anton Korınevıç ile beraberlikte vaqtınca işğal etilgen Qırım Muhtar Cumhuriyeti ve Aqyar şeeri topraqları ile memuriy sıñırındaki ”Qalançaq” ve ”Çaplınka” KÇÇN-nı ziyaret etti, Herson vilâyeti şurasınıñ başlığı Oleksandr Samoylenko ve Herson vilâyeti devlet memuriyetiniñ başlıq muavini Mıkola Yakımenko ile körüştiler.
Bundan ğayrı, adet üzre Qırımdan memleket içinde avuşıp, Herson vilâyetinde yaşağan şahıslar ve tamır qırımtatar halqınıñ vekilleri ile körüşüv ötkerildi.
Ukraina Prezidentiniñ Qırım MC Temsilciligi em halqara seviyede Ukrainanıñ topraq bütünligine ve egemenligine izçen sürette qol tutqan, em de vaqtınca işğal etilgen topraqlarda yaşağan Ukraina vatandaşlarına qol tutuvlarını bildirgen Ukraina ortaqlarına ve şu cümleden Ukrainadaki ABD Elçihanesine öz minnetdarlığını bildire.