Bugünde-bugün bütün qıyınlıqlarğa baqmadan, vaqtınca işğal etilgen topraqlarda olsalar bile, Ukrainada tasil almaqnı seçip alğan ukrain balalarına yardım etmek müimdir. Olarnıñ Ukraina mekteplerinde, kolleclerinde ve universitetlerinde oqumağa aqqları bar, bu aq devlet tarafından berilip, devlet ve yerli bücetlerden maliyetlendirile. Biz bu seçimni yapmaq ne qadar qıyın olğanını añlaymız ve yol boyu olarğa yardım etmek içün elimizden kelgenini yapamız.
2024 senesi ve 2025 senesi birinci beş ayında bizge vaqtınca işğal etilgen topraqlarda yaşağanlar içün tasil aluv aqqınıñ ömürge keçirilmesi boyunca 24 muracaat keldi — olarnıñ er biri müsbet çezildi.
Eñ çoq nasıl sualler kele?
- Vaqtınca işğal etilgen topraqlarda alınğan tasilniñ tanıluvı;
- oquv neticelerini tasdıqlamaq içün attestatsiya tertibi.
- “Qırım-Ukraina” tasil merkezi vastasınen Ukraina aliy oquv yurtlarına qabulnıñ hususiyetleri.
- Milliy çoq fenli testniñ (NMT) qoşma sessiyasına qayd etilüv.
- Ondan evel işğal etilgen topraqlarda çalışqan müessiseniñ mezunları içün aliy tasil aqqında devlet diplomını aluv.
- Vaqtınca işğal etilgen topraqlarda yerleşken universitetlerde oquvnı tasdıqlav.
- umumiy orta tasil aqqında ukrain attestatını aluv.
- ukrain mekteplerinde uzaqtan oqutuv imkânı.
- Vaqtınca işğal etilgen topraqlarda bulunğan balalarnı Ukrainadaki umumtasil müessiselerine keçirüv tertibi.
Temsilcilik nasıl etip yardım ete?
- ameldeki qanunlar boyunca mesleatlar bere;
- oquv meselelerini çezmek içün adım-adım areket algoritmini teklif ete;
- arizacılarğa meselelerni çezüvde yardım etmek içün kerekli qurulışlarğa resmiy ricalar yollay;
- uyğun oquv yurtlarınen bağnı teminley;
- kerek olsa, biz arizacınıñ meselesini çezmege yardım ete.
Tasil aluv esnasını daa da irişilebilir etmek içün, Ukraina Tasil ve ilim nazirligi, Ukraina tasil inkişafı institutı, “Almenda” grajdanlıq maarif merkezi ile İnnovativ ve raqamlı tasil birligi (AIDE) ile işbirlikte Qırım sakinleri içün Tasil-informatsion platformanı meydanğa ketirdik.
Platforma bağlantısı: https://www.crimea-ed.org/
Ukraina balalarına qol tuta, tasil almağa istegen er kes, keyfiyetli tasil alma aqqına saip. Sualleriñiz olsa, muracaat etiñiz ve biz yardım etermiz.