Martnıñ 4-nde Daimiy Temsilci Olga Kurışko Ukrayina Prezidenti Volodımır Zelenskiy adından çalğıcı, akkordeoncı-virtuoz Şevket Zmorkağa Ukrayina Devlet mukâfatını taqdim etti.

Ukrayina Prezidentiniñ 2025 senesi noyabrniñ 6-nda imzalanğan № 818/2025 sayılı Fermanına köre, bütün Ukrayina medeniyet hadimleri ve halq sanatı ustaları künü munasebetinen oña “Ukrainada nam qazanğan artist” fahriy unvanı berildi.

Fahriy unvan Zmorkağa milliy medeniyet ve sanatnıñ inkişafına qoşqan şahsiy issesi, müim icadiy muvafaqiyetleri ve yüksek zenaat ustalığı içün berildi.

Şevket Zmorka – belli çalğıcı ve akkordeoncı-virtuoz, onıñ icadı medeniy ayatnıñ ve ukrayin ile qırımtatar sanatlarınıñ populârlaştırılmasınıñ müim bir qısmıdır. Bu mukâfat onıñ çoq yıllıq icadiy faaliyetiniñ ve ukrayin medeniyetiniñ inkişafına qoşqan müim issesi içün bir minnetdarlıqtır.

Şevket Zmorkağa berilgen mukâfat qırımtatar halqınıñ yeñilmezligi ve menligini de qayd etmekte. Qırımnı muzıka vastasınen saqlağan ve populârlaştırğan sanatkârlarğa qoltutıp, böyle mukâfatlarnıñ sayısı artacağına ve bu ananeniñ devlet seviyesinde devam etecegine inanamız.