Bugün Daimiy Temsilci Ukraina Devletçiligi künü munasebetinen teşkil etilgen tedbirge qoşuldı. Tedbirde Prezident Volodımır Zelenskıy arbiylerge ve başqa zenaat saiplerine devlet mukâfatlarını taqdim etti ve 14 yaşını toldurğan ukrainlilerge pasportlar berdi.

Öz çıqışında Ukraina Prezidenti Volodımır Zelenskiy Ukrainanıñ yolu iç bir vaqıt qolay olmağanını ve Ukraina devleti er bir cesür ve lâqayt qalmağan vatandaşı sayesinde öz mustaqilligini saqlap qalğanını qayd etti:

Bizim devletçiligimiz – siziñ muvafaqiyetiñiz. Ukraina oğrunda küreşken, çalışqan, dünyanı birleştirgen, oquğan, aqiqatnı tarqatqan ve bizge qarşı yapılğan er şey içün rusiyeniñ mesüliet çekmesini yaqınlaştırğanlarnıñ. Bizim devletçiligimiz – bu sizsiñiz, Ukrainanı qayğırğan, Ukrainanen ğururlanğan ve Ukraina ğalebe qazanması içün elinden kelgenini yapqan er kesniñ.

Prezident Volodımır Zelenskıy Ukraina qoruyıcılarına ve diger zenaat saiplerine, şu cümleden Harkiv ve Trıpilla elektrik stantsiyalarınıñ, Dnepr gidrostantsiyasoınıñ, kommunal işhanelerniñ işçilerine, ocalar ve ekimlerge, medeniyet erbaplarına fahriy mukafatlar berdi.

Bundan da ğayrı, Volodımır Zelenskıy yaş ukrainlerge, hususan Ukraina qorçalayıcılarınıñ, göñüllilerniñ, sportçılarnıñ ve Olimpiada ğalipleriniñ balalarına pasportlarnı taqdim etti.